E reunionnan di kongregashon ta un parti esensial di adorashon berdadero. (Sl 22:22) Tur hende ku reuní pa adorá Yehova ta haña goso i hopi bendishon. (Sl 65:4) Hopi bes un studiante di Beibel ta progresá mas lihé ora e asistí ku regularidat na e reunionnan.

Kon bo por yuda bo studiante di Beibel asistí na e reunionnan? Sigui invit’é pa asistí na e reunionnan. Mustr’é e vidio Kiko Ta Sosodé na un Salòn di Reino? Splika bo studiante kon e reunionnan por yud’é. (lff lès 10) Bo por kompartí un punto spesífiko kuné ku bo a siña na un reunion òf bo por bis’é kiko lo ser tratá na e siguiente reunion. Duna bo studiante di Beibel e publikashonnan ku nos lo usa na e reunion. Ademas, bo por ofres’é yudansa práktiko. Kisas e mester di yudansa pa yega na e reunion. Kualke esfuerso ku bo hasi lo ta bale la pena ora bo studiante asistí na un reunion pa promé biaha.—1Ko 14:24, 25.

WAK E VIDIO YUDA BOSO STUDIANTENAN DI BEIBEL ASISTÍ NA E REUNIONNAN, I DESPUES KONTESTÁ E SIGUIENTE PREGUNTANAN:

• Ki oportunidat Nita a usa pa invitá Rubi na un reunion di kongregashon?

• Dikon nos ta bira kontentu ora un studiante di Beibel asistí na e reunionnan?

• Kon Rubi a sinti ora el a asistí na su promé reunion?