NOS BIDA KRISTIAN
Fortalesé Bo Fe den e Palabra di Dios
E palabra di Dios por kambia nos bida. (Heb 4:12) Sinembargo, pa nos por benefisiá di su guia i konseho, nos mester ta konvensí ku di bèrdat Beibel ta “e palabra di Dios.” (1Te 2:13) Kon nos por fortalesé nos fe den Beibel?
Lesa Beibel tur dia. Segun ku bo ta lesa Beibel, purba di buska evidensia ku ta Yehova ta su Outor. Por ehèmpel, analisá e konsehonan ku tin den e buki di Proverbionan i wak kon e konsehonan ei ainda ta práktiko den nos tempu.—Pro 13:20; 14:30.
Hasi estudio personal. Familiarisá bo mes ku e evidensianan ku ta komprobá ku Beibel ta inspirá. Den e Guia pa Buska Informashon den Publikashonnan di Testigunan di Yehova, bai na e tópiko “Beibel” i despues skohe e tópiko “Inspirá di Dios.” Ademas, si bo studia E Toren di Vigilansia Num. 4 2016 bo por fortalesé bo fe den e echo ku Beibel su mensahe no a kambia.
WAK E VIDIO DIKON NOS TIN FE . . . DEN E PALABRA DI DIOS, I DESPUES KONTESTÁ E SIGUIENTE PREGUNTANAN:
-
Kon e deskubrimentu di un tèmpel na Karnak, Egipto, a konfirmá ku loke tin den e Palabra di Dios ta bèrdat?
-
Kon nos sa ku e mensahe di Beibel no a kambia?
-
Kon e echo ku Beibel a sobrebibí te awe ta fortalesé bo fe ku Beibel ta e Palabra di Dios?—Lesa Isaías 40:8
