Dikon ta bon pa prepará? Un emergensia médiko por tuma lugá diripiente i un persona por haña su mes den hospital inesperá. P’esei, promé ku un emergensia surgi, hasi tur loke bo por pa prepará pa asina bo por haña e mihó kuido médiko posibel. Ora nos hasi esei, nos ta mustra ku nos tin rèspèt pa bida i pa Yehova su lei tokante sanger.​—Ech 15:28, 29.

Kiko bo por hasi pa prepará?

• Hasi orashon i tuma tempu pa yena e karchi di Apoderashon Duradero pa Kuido Médiko (DPA). a Publikadónan batisá por bai serka e sirbidó di literatura pa nan haña un karchi di DPA pa nan mes i tambe un Karchi di Identifikashon (ic) pa nan yunan ku ta menor di edat

• Si bo ta na estado, pidi bo ansianonan un kopia di Información para mujeres embarazadas (S-401-S). E dokumento akí lo yuda bo tuma bon desishon tokante problemanan médiko ku por surgi durante embaraso i ora di duna lus

• Si bo tin ku hasi un tratamentu médiko ku lo por enbolbé sanger òf si bo tin ku keda hospital, laga bo ansianonan sa di antemano; tambe bo por informá e hospital ku bo ke haña bishita di un representante di Testigunan di Yehova

Kon e ansianonan por yuda? Nan por yuda bo yena bo karchi di DPA. Sinembargo, nan lo no tuma desishon médiko pa bo ni ekspresá nan opinion personal riba asuntunan ku kada ken mester disidí pa nan mes. (Rom 14:12; Gal 6:5) Ora bo informá bo ansianonan ku bo tin ku hasi un tratamentu médiko unda e asuntu di sanger por surgi, mesora nan lo tuma kontakto ku Komité di Kontakto ku Hospital (HLC) pa bo.

Kon e Komité di Kontakto ku Hospital por yuda? E rumannan akí ta entrená pa yuda hende ku ta traha den departamento médiko i hurídiko komprondé nos punto di bista religioso tokante sanger. Nan por papia ku bo dòkter tokante tratamentu médiko ku no ta usa sanger. Si ta nesesario, nan por yuda bo haña un dòkter ku ta respetá bo desishon tokante sanger.

WAK E VIDIO KON BO POR SKOHE TRATAMENTU MÉDIKO KU TA NA ARMONIA KU DIOS SU PUNTO DI BISTA TOKANTE SANGER?, I DESPUES KONTESTÁ E SIGUIENTE PREGUNTA:

• Kiko bo a siña for di e vidio akí ku por yuda bo prepará pa un emergensia médiko ku ta enbolbé ­sanger?

  Bo kontesta