Nos ke agradá Dios den tur loke nos ta hasi. (Pro 27:11) Pa nos por logra esei, nos mester tuma desishon ku ta na armonia ku Yehova su manera di pensa asta ora no tin lei spesífiko pa guia nos. Kiko por yuda nos hasi esei?

Mantené un rutina regular di studia Beibel. Kada bes ku nos lesa Beibel ta komo si fuera nos ta pasa tempu ku Yehova. Nos por siña kon Yehova ta pensa ora nos wak kon el a trata ku su pueblo den pasado, i ora nos wak ehèmpel di hende ku a hasi loke ta bon òf malu den su bista. Ora nos tin ku tuma desishon, spiritu santu por yuda nos kòrda lès importante i prinsipio ku nos a siña for di e Palabra di Dios.​—Hua 14:26.

Hasi investigashon. Ora bo mester tuma un desishon, puntra bo mes: ‘Ki versíkulo òf relato den Beibel por yuda mi komprondé kon Yehova ta sinti tokante e asuntu?’ Pidi Yehova pa yuda bo i usa e hèrmèntnan pa hasi investigashon ku ta disponibel den bo idioma pa haña i apliká prinsipio di Beibel ku por yuda bo ku bo situashon.​—Sl 25:4.

WAK E VIDIO NOS MESTER “KORE KU PERSEVERANSIA”: KOME KUMINDA NUTRITIVO, I DESPUES KONTESTÁ E SIGUIENTE PREGUNTANAN:

• Ki preshon e ruman muhé hóben den e vidio a haña?

  Bo kontesta

• Kon abo por usa e hèrmèntnan pa hasi investigashon pa trata ku e tipo di preshonnan ei?

  Bo kontesta

• Kon nos ta benefisiá ora nos tuma tempu pa hasi investigashon i estudio personal ku por yuda nos tuma bon desishon?​—Heb 5:13, 14

  Bo kontesta