Beibel ta bisa nos pa trata ruman mas grandi manera ta nos mama i tata nan ta i ruman mas yòn manera ta nos rumannan nan ta. (Lesa 1 Timoteo 5:1, 2.) Den kaso di ruman hòmber ta mas importante ainda pa nan trata ruman muhé ku dignidat i rèspèt.

Nunka un ruman hòmber lo no flirt ni hasi algu otro pa laga un ruman muhé sintié inkómodo rònt di dje. (Yòb 31:1) Un ruman hòmber soltero no ke laga un ruman muhé soltera sinti ku e ke tin un relashon romántiko ora esei no ta e kaso. E no ke hunga ku e sintimentunan di un ruman muhé soltera.

Ora un ruman muhé hasi un pregunta na un manera respetuoso òf menshoná algu ku kisas mester di atenshon, e ansianonan mester skucha su opinion na un manera amoroso. E ansianonan mester mustra èkstra konsiderashon na ruman muhé ku no tin un esposo pa protehá nan.—Rut 2:8, 9.

WAK E VIDIO SIGUI DEMOSTRÁ AMOR DEN KONGREGASHON—NA BIUDA I WÉRFANO, I DESPUES KONTESTÁ E SIGUIENTE PREGUNTANAN:

• Kon e rumannan a demostrá amor na Ruman Myint?

• Kon e amor ku e rumannan a demostrá a duna un bon testimonio na e hendenan di e pueblito?

• Ki efekto e amor ku e rumannan a demostrá tabatin riba e yu muhénan di Ruman Myint?

Den ki manera práktiko abo por demostrá ku bo ta stima e ruman muhénan den bo kongregashon?