E ruman hòmbernan ta traha duru pa prepará e ehèmpelnan di presentashon pa sirbishi, i hopi publikadó ta haña ku nan ta masha efektivo den nan teritorio. Sinembargo, komo ku sirkunstansia ta diferente rònt mundu, un publikadó por sintié liber pa usa otro presentashon òf papia di otro tópiko den su sirbishi ku lo interesá hende den su teritorio. Klaru ku ora tin un kampaña spesial, tur hende mester sigui e instrukshonnan spesífiko pa e kampaña ei. Nos meta ta pa kumpli ku Hesus su mandamentu pa prediká e bon notisia di e Reino.—Mat 24:14.

Ora di duna parti, e publikadó mester papia tokante di e mesun tópiko ku a ser usá den e ehèmpel di presentashon pa sirbishi den e Material i Tarea pa Reunion. Sinembargo, a ménos ku indiká algu otro, e por usa un otro pregunta, teksto, base pa rebishita òf marko di sirkunstansia ku lo ta efektivo den su teritorio. Esaki ta un ahuste riba e instrukshon ku nos a haña den nos Material i Tarea pa Reunion di Yüni 2020 na página 8.