Tin yen di ehèmpel den Beibel di orashon ku Yehova a kontestá. Ora Dios su sirbidónan a wak kon Yehova a skucha nan preokupashonnan i a yuda nan, nan fe sin duda a bira mas fuerte. P’esei, ta bon pa nos ta spesífiko den nos orashonnan i despues purba di mira kon Yehova ta kontestá nos orashonnan. Kòrda ku e por kontestá nos orashonnan na un manera diferente for di loke nos a pidi òf kisas e ta asta duna nos mas ku loke nos a pidi p’e. (2Ko 12:7-9; Efe 3:20) Laga nos wak algun kos ku Yehova por duna nos ora nos hasi orashon na dje:

• Forsa físiko, pas mental i un fe fuerte pa trata ku un problema.—Flp 4:13

• Sabiduria pa tuma bon desishon.—Snt 1:5

• E deseo i forsa pa hasi algu.—Flp 2:13

• Un kurason trankil ora nos ta anshá.—Flp 4:6, 7

• Sosten emoshonal i yudansa físiko for di otro hende.—1Hn 3:17, 18

• E goso di mira ku Yehova ta yuda esnan ku nos ta hasi orashon p’e.—Ech 12:5, 11

WAK E VIDIO YEHOVA “TA SKUCHA ORASHON,” I DESPUES KONTESTÁ E SIGUIENTE PREGUNTANAN:

• Kon Ruman Shimizu su eksperensia por animá nos si nos no por hasi mes tantu mas pa motibu di salú?

• Kon nos por imitá e ehèmpel di Ruman Shimizu?