Den luna di sèptèmber, nos lo hasi esfuerso pa mustra hende ku e Reino di Dios ta e úniko solushon pa e problemanan di humanidat. (Mat 24:14) Kon nos por partisipá den e kampaña akí? Durante e luna akí, purba di lesa un teksto di Beibel tokante e Reino di Dios ku mas tantu hende posibel. Si un persona mustra interes, ofresé e persona un ehemplar di e edishon pa públiko di E Toren di Vigilansia Num. 2 2020. Rebishitá e persona mas pronto posibel i purba di kuminsá un estudio di Beibel usando e foyeto Bo Por Disfrutá di Bida pa Semper! Durante e luna akí, tur ruman ku ta deseá di traha pionero ousiliar por skohe pa traha sea 15 òf 30 ora.

Pronto e Reino di Dios lo kaba ku tur gobièrnu ku ta bai kontra dje. (Dan 2:44; 1Ko 15:24, 25) P’esei, laga nos tur probechá di e kampaña spesial akí pa nos demostrá ku nos ta leal na Yehova i su Reino!