“Laga Perseveransia Kompletá Su Obra”
“Laga perseveransia kompletá su obra, pa boso por ta perfekto i sin defekto den tur sentido, sin ku boso tin falta di nada.”—SANT. 1:4.
KANTIKA: 135, 139
1, 2. (a) Kiko nos por siña for di e perseveransia di Gideon i su 300 hòmbernan? (Wak e promé plachi.) (b) Segun Lukas 21:19, dikon perseveransia ta asina importante?
E BATAYA tabata duru. Bou di guia di Hues Gideon, e sòldánan israelita a persiguí nan enemigunan, e ehérsito madianita i nan aliadonan, henter anochi pa mas o ménos 32 kilometer. Beibel ta relatá kiko a sosodé despues: “Gideon i e tres shen hòmbernan ku tabata huntu kuné a yega na Hordan i a krusa bai na e otro banda, [i nan a keda] kansá.” Dikon? Pasobra Gideon ku su sòldánan no a gana e bataya ainda. Ainda nan tabatin ku bringa kontra mas o ménos 15.000 sòldá enemigu. No tabata momento pa e israelitanan entregá! Pa añanan largu nan a sufri na man di e madianitanan, i p’esei e israelitanan a sigui persiguí nan te ora nan a derotá e madianitanan.—Hues. 7:22; 8:4, 10, 28.
2 Nos tambe ta bringando un bataya difísil i agotador. Nos enemigunan ta inkluí Satanas, su mundu i nos mes imperfekshonnan. Algun di nos a lucha pa hopi dékada, i ku yudansa di Yehova nos a gana hopi bataya. Ma tin biaha nos por kansa di lucha kontra nos enemigunan i di warda riba e fin di e Lukas 21:19.) Kiko ta perseveransia? Kiko lo yuda nos perseverá? Kiko nos por siña for di hende ku a perseverá? I kon nos por “laga perseveransia kompletá su obra”?—Sant. 1:4.
sistema di kosnan akí. Echo ta ku nos no a gana e bataya kompleto ainda. Hesus a spièrta nos ku komo ku nos ta biba den e último dianan, nos lo enfrentá pruebanan severo i maltrato kruel. Pero tambe el a bisa ku nos por sali viktorioso si nos perseverá. (LesaKIKO TA PERSEVERANSIA?
3. Kiko ta perseveransia?
3 Den Beibel, perseveransia ta nifiká mas ku djis wanta prueba òf atversidat. Perseveransia ta enserá nos mente i kurason, òf e manera ku nos ta reakshoná ora nos haña nos ku difikultat. Un persona ku ta perseverá tin kurashi i pasenshi i ta para firme. Un obra di referensia ta bisa ku perseveransia ta e kualidat ku por yuda nos soportá difikultat ku un speransa fuerte sin entregá. E ta yuda nos para firme i inmovibel asta bou di e pruebanan di mas difísil i ta yuda nos transformá e pruebanan ei den viktoria, ya ku e ta laga nos enfoká riba e meta ku nos por alkansá en bes di riba e doló ku nos ta pasando aden aworakí.
4. Dikon nos por bisa ku ta amor ta yuda nos perseverá?
4 Loke ta motivá un kristian pa perseverá ta amor. (Lesa 1 Korintionan 13:4, 7.) Amor pa Yehova ta motivá nos pa wanta tur loke ta di akuerdo ku su boluntat. (Luk. 22:41, 42) Amor pa nos rumannan ta yuda nos soportá nan imperfekshonnan. (1 Ped. 4:8) Amor pa nos kasá ta yuda nos pasa den “difikultat” ku asta parehanan felismente kasá ta eksperensiá, i esei ta yuda nos fortalesé nos laso matrimonial.—1 Kor. 7:28.
KIKO LO YUDA BO PERSEVERÁ?
5. Dikon Yehova ta e mihó persona ku por yuda nos perseverá?
5 Pidi Yehova p’e duna bo forsa. Yehova ta “e Dios ku ta duna perseveransia i konsuelo.” (Rom. 15:5) Ta e so ta komprondé kompletamente nos problemanan i tambe kon nos ambiente, nos emoshonnan i asta nos komposishon genétiko ta afektá nos. Pues e ta e mihó persona ku por yuda nos perseverá. Beibel ta bisa: “E lo kumpli ku e deseo di esnan ku ta tem’é; tambe e lo tende nan sklamashon i lo salba nan.” (Sal. 145:19) Pero, kon Dios ta duna nos forsa pa perseverá?
6. Manera Beibel ta primintí, kon Yehova por ‘perkurá pa e salida’ for di nos pruebanan?
6 Lesa 1 Korintionan 10:13. Ora nos pidi Yehova p’e yuda nos trata ku prueba, ‘lo e perkurá pa e salida.’ Esaki ta nifiká ku Yehova lo kita e prueba? Tin biaha e ta hasi esei. Pero hopi biaha, e ta perkurá un salida ‘a fin ku nos por want’é.’ Sí, Yehova ta duna nos e forsa pa nos por “soportá tur kos ku pasenshi i goso.” (Kol. 1:11) I ya ku e konosé nos limitashonnan físiko, mental i emoshonal asina bon, nunka lo e laga un situashon yega te na e punto ku nos lo no por keda fiel.
7. Ilustrá dikon nos tin mester di kuminda spiritual pa nos por perseverá.
7 Alimentá bo fe ku kuminda spiritual. Un persona ku ta subi Mount Everest, e seru di mas haltu na mundu, ta kima mas o ménos 6.000 kaloria pa dia; hopi mas tantu ku un hende mester normalmente. Pa e persona por subi e seru i logra su meta, e mester kome i bebe mas tantu kaloria posibel. Asina tambe, pa nos por perseverá riba e kaminda di bida i logra nos meta, nos mester alimentá nos mes ku mas tantu kuminda spiritual posibel. Huan 6:27.
Nos mester disipliná nos mes pa dediká tempu na lesa, studia i bai reunion. Esaki lo yuda nos alimentá nos fe ku “kuminda ku ta dura i ku ta hiba na bida eterno.”—8, 9. (a) Segun Yòb 2:4, 5, ora nos ta pasa den prueba, ki kuestion ta den wega? (b) Ora bo ta pasa den prueba, ki esena bo por pensa ariba?
8 Kòrda riba e kuestion di integridat. Ora un sirbidó di Yehova ta pasa den prueba, tin algu mas importante den wega ku solamente su sufrimentu. E manera ku nos ta reakshoná ora nos ta pasa den prueba ta demostrá si nos realmente ta mira Yehova komo e Soberano Universal. Satanas, un enemigu di e soberania di Yehova, a reta Yehova bisando: “Tur loke un hende tin e lo duna pa su bida. Ma saka bo man awor i mishi ku [Yòb] su wesu i ku su karni; e lo maldishoná bo den bo kara.” (Yòb 2:4, 5) Segun Satanas, niun hende no ta sirbi Yehova pa motibu di nan amor p’e, sino pa nan interes personal. Satanas a kambia for di dia ku el a insinuá esei? Niun ora so! Hopi siglo despues, ora Satanas a ser tirá for di shelu, ainda e ta “esun ku ta akusá nos rumannan, sí, esun ku ta akusá nan di dia i anochi dilanti di nos Dios.” (Rev. 12:10) Satanas no a lubidá e kuestion di integridat. E tin masha gana di mira nos entregá ora nos ta pasa den prueba i stòp di apoyá e soberania di Dios.
9 P’esei, ora bo ta lucha ku prueba, pensa riba e siguiente esena. Na un banda, Satanas i su demoñonan ta mustra riba bo i ta insinuá ku lo bo entregá. Na e otro banda, Yehova, Rei Hesukristu, e ungínan resusitá i e miónes di angelnan ta aploudí bo i ta kontentu ku tur dia di nobo bo ta perseverá i apoyá e soberania di Yehova. I bo ta tende Yehova bisa bo: “Sea sabí, mi yu, i hasi mi kurason kontentu, pa mi por kontestá esun ku reprochá mi.”—Pro. 27:11.
10. Kon bo por imitá Hesus ora bo enfoká riba e bendishonnan ku perseveransia ta trese kuné?
10 Enfoká riba e bendishonnan ku perseveransia ta trese kuné. Suponé ku bo ta hasi un biahe i bo ta para meimei di un tùnel largu i sukú. Pero bo tin sigur ku si bo sigui kore te na final di e tùnel, lo bo mira lus atrobe. Meskos tambe, tin biaha bo por sinti ku bo ta hoga den tur bo problemanan. Asta Hesus por a sintié asina. E mester a soportá “palabranan ofensivo di parti di pekadónan,” humiashon i asta un morto doloroso “na un staka di tormento.” Esei sigur lo tabata e oranan di mas skur di su bida riba tera. Pero Hesus a wanta tur esaki “pa motibu di e goso ku tabata sper’é.” (Heb. 12:2, 3) El a enfoká riba e bendishonnan ku su perseveransia a trese kuné, foral pasobra e por a yuda santifiká Dios su nòmber i vindiká Yehova su soberania. E tempu skur di Hesus su pruebanan tabata temporal, pero su rekompensa selestial lo ta pa semper. Awe, e pruebanan ku bo ta enfrentá por ta doloroso i por asta kibra bo. Pero kòrda ku e tribulashonnan ku bo ta pasa aden riba e kaminda pa bida eterno ta temporal.
“ESNAN KU A PERSEVERÁ”
11. Dikon nos tin ku konsiderá eksperensia di “esnan ku a perseverá”?
11 No ta nos so tin ku perseverá. Pa enkurashá kristiannan ku mester enfrentá prueba pisá ku ta bini di Satanas, apòstel Pedro a skirbi: “Tuma boso posishon kontra dje, firme den fe, sabiendo ku rònt mundu henter e hermandat ta soportá e mesun tipo di sufrimentu.” (1 Ped. 5:9) Eksperensia di “esnan ku a perseverá” ta siña nos kon nos por para firme, ta sigurá nos ku nos por tin éksito i ta kòrda nos ku si nos keda fiel, nos lo ser bendishoná. (Sant. 5:11) Laga nos konsiderá algun ehèmpel. [1]
12. Kiko nos ta siña for di e ehèmpel di e kerubinnan stashoná na Edén?
12 E kerubinnan. Nan tabata e promé kriaturanan spiritual ku a aparesé na hende, i nan ehèmpel por yuda nos perseverá ora nos haña un tarea difísil. Yehova Dios “a stashoná e kerubinnan i un spada tur na vlam di kandela ku tabata bira den tur direkshon, pa warda e kaminda ku ta bai na e palu di bida.” [2] (Gén. 3:24) Klaru ku originalmente Yehova no a krea e kerubinnan ei pa kumpli ku e enkargo akí. Al fin i al kabo, piká i rebelion no tabata parti di Yehova su propósito pa humanidat. Sinembargo, niun kaminda Beibel no ta bisa ku e angelnan di alto rango ei a reklamá ku nan tabata muchu importante pa e tarea ei. Nan no a sinti nan laf ni no a entregá. Mas bien, nan a kumpli obedientemente ku nan enkargo i a perseverá te ora nan a kaba ku nan trabou, kisas den tempu di e Diluvio, mas ku 1.600 aña despues.
13. Kiko a yuda Yòb perseverá ora el a hañ’é ku prueba?
13 E patriarka Yòb. Si un amigu òf miembro di famia papia kosnan ku ta hùrt bo, òf si bo tin un malesa grave òf si bo ta tristu pa motibu di morto di un ser kerí, e ehèmpel di Yòb por konsolá bo. (Yòb 1:18, 19; 2:7, 9; 19:1-3) Apesar ku Yòb no tabata sa ken a kousa su sufrimentu, e no a desesperá ni entregá. Dikon nò? Pa kuminsá, e “tabata teme Dios.” (Yòb 1:1) E tabata determiná pa agradá Yehova den bon i den malu. Ku yudansa di Dios, Yòb a meditá riba e obranan maravioso ku Yehova a logra kaba pa medio di su spiritu santu. Esei a yuda Yòb keda aun mas konvensí ku Yehova lo a kaba ku su pruebanan na e momento indiká. (Yòb 42:1, 2) I esei ta nèt loke a sosodé: Yehova a kita su difikultatnan i a restorá su rikesa. Yehova a “duna Yòb dòbel di tur loke e tabatin promé.” Yòb a biba largu i tabata satisfecho.—Yòb 42:10, 17.
14. Segun 2 Korintionan 1:6, kon e perseveransia di Pablo a yuda su rumannan?
14 Apòstel Pablo. Bo ta enfrentando oposishon, asta persekushon, na man di hende ku ta kontra adorashon berdadero? Bo ta un ansiano di kongregashon òf 2 Kor. 11:23-29) Pero e no a entregá, i su ehèmpel a fortalesé su rumannan. (Lesa 2 Korintionan 1:6.) Kòrda ku ora bo ta perseverá, bo ehèmpel tambe por animá otro ruman pa perseverá.
un superintendente di sirkuito i ta sinti ku bo ta kargá ku responsabilidat pisá? Si ta asina, meditá riba e ehèmpel di Pablo. El a enfrentá hopi prueba di “karakter eksterno” na man di hende ku a persiguié ferosmente, i semper e tabata preokupá pa e kongregashonnan. (BO TA LAGA PERSEVERANSIA “KOMPLETÁ SU OBRA”?
15, 16. (a) Ki “obra” perseveransia mester kompletá? (b) Duna algun ehèmpel kon nos por “laga perseveransia kompletá su obra.”
15 Santiago a skirbi bou di inspirashon: “Laga perseveransia kompletá su obra.” Ki “obra” perseveransia mester kompletá? E ta yuda nos pa nos ‘ta kompleto i sin defekto den tur sentido, sin ku nos tin falta di nada.’ (Sant. 1:4, wak nota) Hopi biaha, prueba ta revelá nos debilidatnan, aspektonan di nos personalidat ku nos tin ku traha ariba. Si nos perseverá durante e pruebanan ei, nos personalidat kristian lo bira mas kompleto, òf sin defekto. Por ehèmpel, nos por haña mas pasenshi, apresio i kompashon.
Ora nos perseverá bou di prueba, nos personalidat kristian lo bira mas kompleto (Wak paragraf 15, 16)
16 Ya ku perseveransia ta hasi nos un mihó kristian, nos no mester bai kontra prinsipionan bíbliko pa stòp e pruebanan ku ta bini. Por ehèmpel, kiko si bo ta lucha ku pensamentu inmoral? En bes di entregá, pidi Yehova yuda bo rechasá nan. Asina lo bo fortifiká bo dominio propio. Bo tin un miembro di famia ku no ta sirbi Dios ku ta oponé bo? En bes di entregá, sea determiná pa sigui sirbi Yehova di henter kurason. Di e manera ei, lo bo haña mas konfiansa den Yehova. Kòrda, pa nos haña aprobashon di Dios, nos mester perseverá.—Rom. 5:3-5; Sant. 1:12.
17, 18. (a) Ilustrá dikon ta importante pa perseverá te na fin. (b) Segun ku nos ta yega mas serka di e fin, ki siguransa nos por tin?
17 Nos mester perseverá, no djis pa un tempu, sino te na fin. Por ehèmpel, imaginá ku un barku ta senk. Pa e pasaheronan por sobrebibí, nan mester landa bai kantu. Un landadó ku entregá djis algun meter for di kantu ta den mesun peliger di hoga ku un landadó ku a entregá muchu mas promé. Di igual manera, nos mester ta determiná pa perseverá te ora nos yega den e mundu nobo. Nos bida ta dependé di nos perseveransia. Laga nos desplegá e mesun aktitut ku apòstel Pablo, kende a bisa dos biaha: “Nos no ta entregá.”—2 Kor. 4:1, 16.
18 Nos por tin sigur ku Yehova lo yuda nos perseverá te na fin. Nos tin e mesun konvikshon ku Pablo tabatin: “Nos ta sali kompletamente viktorioso pa medio di esun ku a stima nos. Pasobra mi ta konvensí ku ni morto ni bida, ni angel ni gobièrnu, ni loke tin awor ni loke tin ku bini, ni podernan, ni haltura ni profundidat, ni ningun otro kreashon lo por separá nos for di e amor di Dios ekspresá mediante Kristu Hesus, nos Señor.” (Rom. 8:37-39) Ta bèrdat ku tin biaha nos por kansa di lucha. Pero laga nos perseverá te na fin i imitá Gideon i su sòldánan, kendenan no a entregá.—Hues. 8:4.
^ [1] (paragraf 11) Lo bo haña eksperensia di sirbidónan di Dios ku a perseverá den tempu moderno masha animante. Por ehèmpel, e Anuario (na spañó) di 1992, di 1999 i di 2008 ta kontené relatonan masha animante di rumannan na Etiopia, Malawi i Rusia.
^ [2] (paragraf 12) Beibel no ta bisa kuantu kerubin a haña e enkargo ei.