Un dia, un ruman muhé na Nueva Zelandia tabata wak e vidio Nos Ta “Preokupá pa Otro.” Den dje el a mira ku Yehova no ta djis sinti kompashon pa nos pero e ta mustr’é tambe. (Isa. 63:​7-9) E ruman muhé a disidí di pone loke el a siña for di e vidio na práktika. Mas atardi, ora el a bai hasi kompra el a topa un señora ku ta biba riba kaya i a ofres’é pa kumpra algu di kome p’e. E señora a keda masha kontentu. Ora e ruman a bin ku e kos di kome, el a usa e tratado Sufrimentu Lo Kaba un Dia? pa konta e señora tokante Yehova.

E señora a kuminsá yora. El a bisa e ruman ku el a lanta komo Testigu pero tin hopi aña ku el a bandoná e bèrdat. Pero, un par di tempu pasá, el a pidi Yehova pa yud’é bolbe serka dje. E ruman a duna e señora un Beibel i a palabrá pa kuminsá studia kuné. a

Meskos ku Yehova, nos tambe por mustra kompashon pa hende, inkluso nos famia i rumannan den kongregashon. Anto ora nos buska oportunidat pa kòmbersá tokante Yehova, nos ta mustra kompashon tambe.