Bo ke saka mas for di bo estudio personal? Ata algun tep ku por yuda bo konsentrá mas mihó:

• Skohe un bon lugá. Si ta posibel, skohe un lugá ku ta na òrdu i ku tin sufisiente lus. Bo por sinta na un lèsenar, mesa òf asta pafó na un lugá konfortabel.

• Bai un kaminda ku bo por ta bo so. Hesus a hasi orashon “mainta trempan” na “un lugá solitario.” (Mar. 1:35) Si bo no tin un lugá asina, kisas bo por laga bo famia òf esnan ku ta biba huntu ku bo sa ki ora bo ta studia pa asina nan no stroba bo.

• Evitá distraishon. Si bo ta usa bo telefòn òf tablet pa studia, desaktivá tur notifikashon òf pon’é na airplane mode pa nada no interumpí bo. Anto si un kos ku bo tin ku hasi bini na bo mente, skirbié i atend’é despues. Si bo kuminsá kansa i ta bira difísil pa bo konsentrá, tuma un pousa pa kana i move un tiki.