Salú i Siguridad Europeo

Dje coresponsal di Spierta! na Gran Bretania

MAS cu 16.000 homber i muher ta traha na e sede mundial di Watch Tower Bible and Tract Society i su 109 oficinanan di sucursal. Tin dje boluntarionan aki ta soru pa imprenta, shop i mantencion di mashin. Pero sea loke sea nan asignacion, nan ta dedicá na custumbernan sano di trabou, loke ta protehá bida i salú.

E norma haltu cu e sucursal di Gran Bretania ta pone pa su fábrica na Mill Hill, Londen, a ser reconocé públicamente na 1998, despues di e Siman Europeo 1997 di Siguridad i Salú. Nan a duna Sociedad un conchi di cristal inscribí cu e palabranan “Siman Europeo di Siguridad i Salú—Ganadó di Premio 1997.” Kico a pone cu nan a ricibí e premio prestigioso aki?

Na 1994 Sociedad Watch Tower a entregá na HSE (Ehecutivo di Salú i Siguridad) un análisis detayá riba con pa reducí e cantidad di lesion na lomba durante trabou. Na final dje campaña aki, Sociedad a ricibí un certificado di HSE pa su aporte. Na 1996 nan a pidi Sociedad compilá un informe breve riba su actividadnan di salú i siguridad. Mas despues, nan a presentá un certificado na “Watchtower Bible & Tract Society como reconocimentu pa nan contribucion balioso” na salú i siguridad.

E siguiente aña, 1997, HSE a invitá Watch Tower pa participá den su campaña di salú i siguridad europeo. Na su debido tempu Sociedad a entregá un informe detayá, cu potret, mustrando cu dor di conectá hermentnan di coriente potente individual na un sistema principal di extraé stof, ta posibel pa reducí stof di un shop di carpinteria cu 90 porciento i reducí partículanan di palu cu 100 porciento, na un costo di ménos cu £250 (700 florin).

Como resultado, Sociedad tabata entre e 30 ganadónan di premio invitá pa topa representantenan dje Comision Europeo i di gobiernu británico i tambe e presidente dje Comision di Salú i Siguridad. Ora di presentá e conchi cu inscripcion, e presidente a comentá: “Bon trabou, Watch Tower!”

[Plachinan na página 31]

Premionan duná na Watch Tower pa su normanan haltu di salú i siguridad