Bo Sa e Contesta?

(Por haña e contestanan dje kwes aki den e textonan di Bijbel duná, i e lista completo di contesta ta na página 30. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Watchtower Bible and Tract Society of New York, Inc.)

1. Ki expresion Jesus a usa hopi bes pa inculcá den su oyentenan e exactitud di su declaracionnan? (Mateo 5:18)

2. Di ken Bijbel a bisa: “E menor a conta pa shen, i e mayor pa mil”? (1 Crónicanan 12:8-14)

3. Ken su nomber por lo general ta ser asociá cu David su soldánan balente Joab, Abisai i Asahel? (2 Samuel 2:18)

4. Maske bo por ta obheto di odio pa causa di Jesus su nomber, kico el a bisa cu bo tin cu haci pa ser salbá? (Marco 13:13)

5. Cuantu yu homber Haman tabatin, kendenan tur a ser matá debí na su hostilidad contra e hudiunan? (Ester 9:10)

6. Ki clase di criatura spiritual a mishi cu Isaías su lipnan cu un carbon cayente di manera cu Isaías por a cumpli cu su asignacion profético? (Isaías 6:6)

7. Ken tabata Herodes su “homber encargá,” kende su casá Juana a sirbi Jesus? (Lucas 8:3)

8. Pablo a animá hombernan den congregacion pa purba alcansá cua puesto di responsabilidad? (1 Timoteo 3:1)

9. Con yama e cuater riunan cu a split for dje “riu cu a sali for di Eden”? (Génesis 2:10-14)

10. Kico Pablo a señalá cu un poco zuurdeeg por a haci? (Galationan 5:9)

11. Con yama e tres yu hombernan di Noe, for di ken “henter e poblacion di tera” a bini? (Génesis 9:18, 19)

12. Ken tabata tata di profeta Samuel? (1 Samuel 1:19, 20)

13. Rond di cua ciudad estratégico, cu tabatin bista riba e vaye di Jezreel, hopi bataya decisivo a ser bringá? (Huesnan 5:19)

14. Ki tarea a ser asigná n’e gabaonitanan cu a keda di spar debí na nan acto mañoso? (Hosué 9:27)

15. Ki nomber a duna e 12 disipelnan cu Jesus a scoge personalmente? (Mateo 10:2)

16. Cua títulonan cu ta pertenecé na Jesus so, el a bisa su disipelnan cu hende no tin mag di yama nan? (Mateo 23:8, 10)

17. Den cua pais Pablo a skirbi e buki di Hebreonan? (Hebreonan 13:24)

18. Ki frase Job a usa pa expresá cu el a scapa di morto na wowo di angua? (Job 19:20)

19. Den tempu antiguo, unda tabata separá e grano for dje stengel i e bagas? (Rut 3:3)

20. Pa ki motibunan Josef su ruman hombernan a odi’é? (Génesis 37:3-11)

 Contestanan dje Kwes

1. “Di berdad mi ta bisa boso”

2. E hombernan poderoso velos i balente dje tribu di Gad kendenan a djoin David den desierto tempu e tabata ainda bou di restriccion debí na rey Saul

3. Nan mama, Zeruya

4. Wanta te na fin

5. Dies

6. Un serafin

7. Chuza

8. “Un puesto di superintendente”

9. Pison, Guihon, Hidekel i Eufrátes

10. Ta fermentá henter e mansa

11. Sem, Cam i Jafet

12. Elcana

13. Megido

14. Nan a bira ‘recogedó di palu i sacadó di awa pa e asamblea i pa e altar di Jehova’

15. Apostel

16. Rabi i Lider

17. Italia

18. “Mi a scapa cu e cueru di mi djente”

19. Riba e plenchi di bati cosecha

20. Pasobra su tata a stima é mas tantu i debí na e soñonan cu el a soña