“Mi Mester Tin Confiansa den Dios”

Un hende a laga e siguiente carta na un Salon di Reino di Testigonan di Jehova na Edmonton, Alberta, Cánada.

“Kerido Mensahero,

Mi ta skirbi pa gradicí e persona cu probablemente sin sa a crea un milager den mi bida.

Un par di siman pasá, ami cu mi esposo tabata den un pleitu pisá. Mi a caba di bisa: ‘E cos aki ta asina serio cu ègt mi no sa si mi por super’é.’ Net e ora ei bel di porta a zona. Ata mi awor cu un Testigo di Jehova na mi porta, i tabata muchu lat pa sconde.

Ora mi a habri porta, mi tabata ègt muchu distraí pa tende loke e hende tabata bisa. Mi ta corda e palabranan ‘yunan’ i ‘famia.’ E homber a saca un buki cu yama E Secreto pa Felicidad den Famia. Ora mi a mira e título, mi a gewoon cuminsá yora i no por a stop. E homber a hisa cara wak mi, anto el a pidi despensa cu el a molestiá mi, duna mi e buki, i a bai.

Kico ta e milager? E recordatorio cu ora mi no sa kico pa haci, no wori, pasobra Dios sí sa. Mi mester tin confiansa den Dios. E ta asta manda un mensahero. Danki.”

E buki E Secreto pa Felicidad den Famia por beneficiá tur miembro di famia. Entre su capítulonan instructivo tin “Protehá Bo Famia di Influencianan Destructivo,” “Mantené Pas den Bo Cas” i “Bo Por Vence Problemanan cu Ta Causa Daño na un Famia.”

Pa bo haña bo ehemplar, por fabor, yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki. Lo bo ricibí sugerencianan specífico cu por yuda bo solucioná problema i haci bida di famia e deleite cu e Creador tabata kier p’e ta.

□ Manda mi un ehemplar dje buki E Secreto pa Felicidad den Famia.

□ Por fabor, tuma contacto cu mi pa un studio di Bijbel grátis na cas.