“Un Buki di Guia Realístico i Práctico”

ZOMER pasá e korant Arkansas Democrat Gazette a comentá riba vários buki publicá dor di Watch Tower Bible and Tract Society. Tocante un di nan, e korant a bisa: “Loke hovenan sa puntra ta un buki di guia realístico i práctico pa famia, sin importá nan afiliacion religioso. . . .

E buki aki ta ofrecé su lectornan bastante conseho sano riba tereno moral i emocional. Por ehempel, e autornan ta comprendé cu tur hóben kier ta liber di restriccion di mayor, pero e ta duna e siguiente conseho na hóbennan:

‘Bo kier mas libertad i responsabilidad? Anto duna prueba cu bo ta responsabel. Tuma na serio tur trabou cu bo mayornan duna bo.’

Poco mayor lo keda sin apreciá un buki cu consistentemente ta predicá e doctrina di responsabilidad personal i cu constant ta consehá hóbennan pa respetá nan mes i tambe otro hende. Aunke e buki semper ta duna apoyo bíblico pa su conseho, básicamente e ta basá riba sano huicio. . . . Foral e seccion tocante balor propio ta masha impresionante, ya cu hóbennan a ser engañá pa pensa cu admiracion propio desenfrená ta algu bon.”

Despues di cita for dje buki, e artículo a sigui: “E recordatorionan suave aki—cu halsa bo mes ta un forma di orguyo i cu humildad ta un elemento básico di bida cristian—ta posibel remedi pa contrarestá algun dje nonsens di sicologia popular cu amigu i conseheronan cu bon intencion ta hinca den hóbennan.”

Si bo tin gana di beneficiá dje informacion for dje buki Loke hovenan sa puntra—Contesta práctica, bo por ricibí un ehemplar dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje buki Loke hovenan sa puntra—Contesta práctica.

□ Por fabor, tuma contacto cu mi pa un studio di Bijbel grátis na cas.