“Mi Gusta e Manera Cu E Ta Trata Temanan”

Esei ta loke un hóben asistente di administracion den un empresa na Yucatán, México, a bisa tocante e manera cu e revista Spierta! ta trata temanan. Den un carta el a splica cu ta un colega Testigo, na e compania di seguro caminda nan tur dos ta traha, a introducié na Spierta!

El a bisa tocante Spierta!: “E ta un berdadero fuente di informacion i berdad. Mi gusta e manera cu e ta trata temanan, ya cu e no tin ningun tendencia pa preferencia político, ni e no ta duna cierto hende mas balor cu otronan. Dor di lesa e revista aki mi a haña solucion pa algun problema. Esaki ta un publicacion atractivo, bon balansá, actual i enrikesedor. Mi ta manda boso mi mas sincero felicitacion!”

Algun aña pasá Spierta! a considerá e desafio di trata cu morto di un ser kerí. Despues a redactá e informacion ei di nobo i a present’é den e foyeto titulá Ora un Persona Stimá Muri. Podisé abo of un persona cu bo conocé lo por haña consuelo dor di lesa e foyeto aki di 32 página. Bo por haci pedido pa un ehemplar dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Ora un Persona Stimá Muri.

□ Por fabor, tuma contacto cu mi pa un studio di Bijbel grátis na cas.