Mi Mester Bai Biba den Exterior?
Hóbennan Sa Puntra . . .
Mi Mester Bai Biba den Exterior?
“Mi kier a biba un otro caminda.”—Sam.
“Tabata puru curiosidad. Mi kier a mira algu nobo.”—Maren.
“Un bon amigu a bisa mi cu kita for di cas un tiki, lo ta bon pa mi.”—Andreas.
“Mi tabata ansioso pa aventura.”—Hagen.
BO SA soña di bai biba den exterior—kisas djis pa un temporada? Tur aña, miles di hóben tin oportunidad pa haci esei. Andreas ta bisa di su experencia den exterior: “Lo mi tin masha gana di bolbe hacié.”
Tin hóben ta muda pa exterior temporalmente, pasobra nan kier gana placa of siña un idioma stranhero. Por ehempel, den hopi pais e areglo di mucha muhernan ‘au pair’ ta masha popular. E areglo aki ta permití hóbennan stranhero haci trabou di cas pa un famia a cambio di un cuarto i cuminda, i nan por usa nan tempu liber pa siña e idioma local. Anto tin hóbennan cu ta muda pa exterior pa sigui un educacion avansá. Otronan ta bai pa haña trabou pa asina nan por yuda nan famia financieramente. Anto tin ta bai afó pasobra nan no sa sigur kico nan kier haci despues di caba scol i nan kier tuma un pausa den exterior.
Ta interesante cu algun hóben cristian a muda pa paisnan caminda tin scarcedad di predicadó, pa nan por expandé nan ministerio. Sea loke sea ta e motibu pa bai, biba den un pais stranhero por ta un les balioso den independencia como adulto. E por expandé bo experencia cultural. Podisé bo ta asta siña dominá un idioma stranhero—algu cu por aumentá bo chens di haña trabou.
No obstante, no ta semper bai biba den exterior ta un experencia positivo. Susanne, por ehempel, a pasa un aña den exterior den un intercambio estudiantil. E ta bisa: “Mi tabatin sigur cu e intercambio lo tabata fantástico for di comienso te final. Pero no tabata asina.” Tin hende ta probechá dje hóbennan of nan ta haña nan den problemanan serio. P’esei promé cu bo drecha bo maleta, lo ta sabí pa bo cai sinta i considerá e pro i contranan.
Analisá Bo Motibunan
Considerá e pro i contranan sigur lo encerá analisá e motibunan pakico bo kier bai den exterior. Biaha pa exterior pa sigui interesnan spiritual of pa atendé responsabilidadnan di famia ta un cos. Pero mescos cu e hóbennan citá den introduccion, hopi ta deseá di bai djis pasobra nan kier aventura, mas libertad of gosa. Esei no ta necesariamente Eclesiástes 11:9 ta animá hóbennan pa ‘alegrá den nan hubentud.’ Sin embargo, versículo 10 ta spierta: “Kita shangrinamentu for di bo curason, i evitá calamidad pa bo carni.”
malu. Pasobra togSi bo motibu pa muda pa un pais stranhero ta pa bo evitá restriccion di bo mayornan, kisas bo ta combidando “calamidad.” Bo ta corda Jesus su comparacion dje yu perdí? El a trata tocante un yoncuman cu egoistamente a biaha pa exterior, evidentemente pa haña mas libertad. Pero no a tarda muchu cu calamidad a dal aden, i el a haña su mes hambrá, sin placa i spiritualmente enfermo.—Lucas 15:11-16.
Anto tin hende cu kier bai afó pasobra nan kier scapa di problema na cas. Pero, manera Heike Berg ta skirbi den su buki What’s Up (Ki Tin), “si bo kier bai afó djis pasobra bo ta infelis . . . i ta kere cu tur cos lo ta mihó un otro caminda, lubidá!” Di berdad, ta mihó enfrentá problemanan directamente. Nos no ta gana nada cu hui for di situacionnan cu nos no ta gusta.
Otro motibunan peligroso ta golosidad i materialismo. Incitá pa e deseo di bira ricu, hopi hóben ta forma ideanan grandioso i irealístico dje manera cu bida ta den paisnan industrialisá. Tin hóben ta imaginá nan cu tur hende na paisnan occidental ta ricu. Pero esaki ta leu for di realidad. Despues di muda pa exterior, hopi hóben ta haña nan mes den un pais straño, luchando pa sali for di pobresa. * Bijbel ta spierta: “Amor pa placa ta rais di tur sorto di cos perhudicial, i percurando pa realisá e amor aki algun a ser desviá for dje fe i a hinca nan mes tur caminda cu hopi dolor.”—1 Timoteo 6:10.
Bo Ta Cla pa Esei?
Tin un otro factor pa considerá: Bo ta realmente suficiente maduro pa trata cu dificultad, problema i conflictonan cu lo surgi den exterior? Probablemente lo bo tin cu compartí kamber cu un compañero of biba cu un famia, i ahustá na nan rutina. Pues con ta bai cu bo na cas awor? Bo mayornan ta keha cu bo no ta tene consideracion i cu bo ta pensa riba bo so? Bo no gusta come tur cos? Con dispuesto bo ta pa haci bo parti den trabou di cas? Si awor akí e cosnan ei ta difícil pa bo, imaginá bo cuantu mas nan lo por ta pa bo den un pais stranhero!
Si bo ta un cristian, lo bo por mantené bo mes spiritualidad? Of bo mayornan tin cu corda bo constantemente pa bo no neglishá bo studio di Bijbel, reunionnan cristian i e trabou di predicá? Lo bo ta suficiente fuerte den sentido spiritual pa resistí e preshon i tentacionnan den exterior cu kisas bo no ta topa cuné den bo pais natal? Riba e promé dia di scol di un hóben cristian, cu a bai un pais stranhero cu e programa di intercambio estudiantil, nan a bis’é unda e por haña droga ilegal. Despues un alumna a pidié pa sali cuné. Den su pais nativo, un mucha muher nunca lo expresá su interes asina directo. Un hóben africano cu a muda pa Europa, tambe a comentá: “Na mi pais nunca bo ta mira plachinan inmoral den público. Pero aki bo ta 1 Pedro 5:9.
mira nan tur caminda.” Si un hende no ta “sólido den fe,” ora e muda pa exterior esei por hiba na naufragio spiritual.—Busca pa Sa Echo!
Promé cu bo muda, bo tin cu busca pa sa tur echo. No bai tras di loke hende di. Si por ehempel, bo ta considerá e programa di intercambio estudiantil, cuantu esei lo bai costa? Lo bo keda sorprendí pa sa cu hopi bes e ta encerá miles di florin. Tambe bo tin cu busca pa sa si e educacion cu bo ricibí den exterior lo ser reconocé den bo pais. Busca tambe mas tantu informacion posibel tocante e pais, su leynan, su cultura, su custumbernan. Kico ta e gastunan pa biba ei? Ki impuesto lo bo tin cu paga? Tin riesgonan di salú cu bo tin cu tene cuenta cuné? Podisé lo bo ripará cu ta útil pa papia cu hende cu personalmente a biba einan.
Anto tambe tin e asuntu di lugá di biba. Mayornan anfitrion dje programanan di intercambio estudiantil por lo general no ta verwagt compensacion material. Asina mes, keda cerca personanan cu no ta respetá principionan bíblico por causa hopi stres i tension. Keda cerca amigu of famia por ta un alternativa. Pero soru pa bo no bira un carga pa nan, maske nan ta urgi bo pa keda. Esaki lo por causa tension of asta kibra boso amistad.—Proverbionan 25:17.
Si bo tin pensá di gana placa miéntras bo ta den exterior, no lubidá bo obligacion cristian di obedecé autoridadnan seglar. (Romanonan 13:1-7) Ley ta permití bo traha den e pais ei? Si ta asina, cu ki condicion? Si bo traha ilegalmente bo por comprometé bo posicion como un cristian onrado i ta keda sin proteccion básico, manera seguro contra accidente. Asta si ta legal pa bo traha, bo mester ta cauteloso i spiertu. (Proverbionan 14:15) Doñonan di trabou sin escrúpulo hopi bes ta probechá di stranhero.
Tumando un Decision
Ta keda claro anto cu e decision di muda pa un pais den exterior ta un decision grandi, i no mester consider’é como di poco importancia. Cai sinta cu bo mayornan, i considerá cuidadosamente e beneficionan cu boso ta spera di haña i e posibel peligernan. Trata pa no laga entusiasmo dominá bo dicernimentu. Sea onesto ora di analisá bo motibunan. Scucha bo mayornan cu atencion. Al fin i al cabo, nan lo keda sinti nan mes responsabel pa bo, maske bo ta cientos di kilometer leu. Probablemente lo bo tin mester di nan sosten financiero pa dal bai.
Despues di a considerá tur cos, kisas no ta sabí pa bo muda, por lo ménos pa awor aki. Esei por ta decepcionante, pero tin hopi otro cos excitante cu bo por haci. Por ehempel, bo a pensa riba e posibilidad di bishitá lugánan interesante den bo mes pais? Of pakico no cuminsá siña un idioma stranhero for di awor? Cu tempu, kisas e chens pa bo bai afó lo presentá.
Pero, kico si bo dicidí di muda? Un futuro artículo lo trata con bo por haci bo estadia den exterior un éxito.
[Nota]
^ par. 15 Mira e artículo “Calculá e Gastu Promé cu Muda pa un Pais Ricu,” den E Toren di Vigilancia na spañó di 1 april 1991, publicá dor di Watchtower Bible and Tract Society of New York, Inc.
[Plachi na página 21]
Tin hóbennan ta bai afó pa promové e trabou di predicá e Reino
[Plachi na página 22]
Papia cu bo mayornan tocante e beneficio i peligernan di muda