Bo Sa e Contesta?

(Por haña e contestanan dje kwes aki den e textonan di Bijbel duná, i e lista completo di contesta ta na página 30. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Watchtower Bible and Tract Society of New York, Inc.)

1. Ta ken apostel Juan a mira “meimei dje candelarnan” ta dun’é mensahe pa e shete congregacionnan? (Revelacion 1:13)

2. En bes di “laga malu vence” nos, kico Pablo ta consehá nos pa haci? (Romanonan 12:21)

3. Kico Jesus tabata kier men ora el a bisa: “Si un hende bou di autoridad ta obligá bo pa haci un miya di sirbishi, bai dos miya cuné”? (Mateo 5:41)

4. Kico Pedro a consehá esposanan cristian pa dorna nan mes cuné, na lugá di flegtmentu di cabei i adorno di oro? (1 Pedro 3:3, 4)

5. Kico Isaías a yama Abraham, indicando cu e tabata e tata humano dje nacion di Israel? (Isaías 51:1)

6. Di con ora David tabata n’e cueba di Adulam, el a nenga di bebe e awa cu e tres guereronan a trece p’e for di Betlehem? (2 Samuel 23:15-17)

7. Kico Bat-seba tabata haciendo ora David a wak e pa promé bes? (2 Samuel 11:2)

8. Pablo a bisa cu e curason dje cristiannan corintio tabata inscribí cu kico en bes di ink? (2 Corintionan 3:3)

9. Kico Jehova a usa pa eliminá e dalakochinan dje di ocho plaga, di manera cu ni un no a keda den Egipto? (Éxodo 10:19)

10. Pa ki motibunan Jehova a mata Saul? (1 Crónicanan 10:13)

11. Na cua haf Pablo a cambia di boto como prizonero rumbo pa Roma? (Echonan 27:5)

12. Con Jehova a mustra cu e tabata interesá den biuda i huérfano di tata den antiguo Israel? (Éxodo 22:22-24; Deuteronomio 24:17-21)

13. Cua nomber nan a duna e tereno cu e sacerdotenan a cumpra cu e placa cu Hudas a tira den tempel? (Mateo 27:3-8; Echonan 1:19)

14. Di con Pedro a reprendé Simon fuertemente ora el a ofrecé placa pa haña e autoridad di duna spiritu santu? (Echonan 8:20, 21)

15. Cuantu aña Sara tabatin ora el a duna lus na Isaac? (Génesis 17:17)

16. Na cua pais Elimelec i su casá Noemí, a emigrá bai debí na hamber, i caminda nan yu homber Mahlon a casa cu Rut? (Rut 1:1-4)

 Contestanan dje Kwes

1. Jesucristo, kende Juan a describí como “un persona semehante na un yu di hende”

2. “Sigui vence malu cu bon”

3. E tabata ilustrá e necesidad di cumpli di buena gana cu demandanan legítimo

4. “E bistí incoruptibel dje spiritu ketu i suave”

5. “E baranca for di cua boso a ser labrá”

6. Pasobra e awa a representá nan sanger, cu nan a risca pa bai cog’é

7. Baña

8. “Cu spiritu di un Dios bibu”

9. Un bientu hopi fuerte di west a tira nan den laman Corá

10. El a actua infiel pa cu Jehova dor di no sigui su instruccionnan i dor di puntra un medium spiritista pa consulta

11. Mira na Licia

12. El a percurá pa nan bienestar i pa nan por a come

13. Akéldama, of “Cunucu di Sanger”

14. El a desplegá un mal motibu ora el a purba cumpra “e don grátis di Dios” aki, i su curason no tabata “recto den bista di Dios”

15. E tabatin 90 aña

16. Moab