Con Por Lanta Yunan Bon Balansá?

“Yunan ta siña respet propio i dominio propio dor di ricibí tantu amor como disiplina for di mayornan,” segun un informe den The Gazette, un korant di Montreal, Cánada. Kico esaki ta encerá? Segun e sicólogo clínico Constance Lalinec di Montreal, ta vital pa fiha límitenan bon cla pa e mucha su comportacion.

Lalinec, kende ta traha cu mucha i famianan, ta remarcá tambe cu “ora nos stroba mucha di sinti e consecuencianan di nan accion, nos ta stroba nan tambe di siña hopi cos.” Ser permisivo por tin un mal efecto riba un mucha su desaroyo.

Bijbel su conseho sabí i probá atrabes di tempu en cuanto criamentu di yu, ta sumamente apropiado. E ta bisa: “Laga boso palabra Sí nificá Sí, boso No, No.” (Mateo 5:37) Una bes bo a establecé reglanan razonabel i bo yunan ta comprendé nan, pone nan na vigor unbes i consistentemente. Respaldá bo palabra cu accion eficas. Esaki ta duna yunan un mensahe bon cla tocante regla i expectativanan di mayor: hende ‘lo cosechá loke nan sembra.’ (Galationan 6:7; Romanonan 2:6) E obhetivo deseá di disiplina amoroso i eficas ta pa yunan siña cumpli cu regla, tolerá frustracion i ora nan no haña loke nan kier mesora, pa asina nan por desaroyá cualidadnan cu nan tin mester pa nan por crece bira adultonan bon balansá i responsabel.

Bo por haña mas conseho en cuanto loke Dios ta bisa mayornan tocante disipliná nan yunan cu amor, den e buki E Secreto pa Felicidad den Famia. Bo por ricibí un ehemplar dje buki aki di 192 página dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje buki E Secreto pa Felicidad den Famia.

□ Por fabor, tuma contacto cu mi pa un studio di Bijbel grátis na cas.