Bo Sa e Contesta?

(Por haña e contestanan dje kwes aki den e textonan di Bijbel duná, i e lista completo di contesta ta na página 30. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Watchtower Bible and Tract Society of New York, Inc.)

1. Ki expresion den e desierto a aplicá tantu na Moises su lugá di habitacion como na e tabernáculo sagrado? (Éxodo 33:7; 39:40)

2. Na unda e tempel di Artémis, considerá como un dje shete maraviyanan dje mundu antiguo, tabata situá? (Echonan 19:26, 27)

3. Kico tabata e título di un funcionario babilonio mas abou cu un sátrapa? (Daniel 2:48)

4. Bou dje Ley di Moises, ki porcion a ser duná na e levitanan, i di con? (Deuteronomio 26:12)

5. Cua ex-prostituta a bira un antepasado di Jesus? (Mateo 1:5)

6. Den cua stad Pablo a cera conocí cu Akila i Prisila? (Echonan 18:1-3)

7. Ki “adorno” Pedro ta recomendá pa hende muher cristian? (1 Pedro 3:3, 4)

8. Ki trabou mester ser hací promé cu fin dje sistema di cosnan aki yega? (Mateo 24:14)

9. E nomber César a bira un título real ekivalente na kico?

10. Cua parti prominente di un cristian su armadura spiritual ta capacit’é pa “paga tur e flechanan di candela dje malbado”? (Efesionan 6:16)

11. Kico tabata yuda botonan di antigwedad nabegá? (Ezekiel 27:6, 7, 29)

12. Kico hende no tabata come promé cu Diluvio? (Génesis 9:3, 4)

13. Ki material nan a usa pa haci e arca ‘waterproef’? (Génesis 6:14)

14. Kico Jesus a yama “engañoso,” capas di sofocá e palabra di Reino i laga un persona keda “infructífero”? (Mateo 13:22)

15. Kico Pedro a bisa lo ta e resultado si un hende purificá su alma mediante “obedencia n’e berdad”? (1 Pedro 1:22)

16. Unda Pablo a bai ora cu durante su di dos biahe di misionero, “e spiritu santu a prohibí nan di papia e palabra den e distrito di Asia”? (Echonan 16:6)

17. Ki prefiho, cu ta nificá “yu homber,” bo ta haña hopi bes den nombernan hebreo? (Génesis 35:18)

18. Kico a sosodé cu rey Uzías despues di su acto arogante di ofrecé censia den e tempel? (2 Crónicanan 26:19-21)

19. E bistí oficial di un profeta por lo general tabata trahá di kico? (2 Reynan 1:8; Mateo 3:4)

20. Ta cua César evidentemente a ehecutá Pablo?

21. Ken ta ser mencioná specíficamente como e promé persona cu a usa e nomber di Dios? (Génesis 4:1)

 Contestanan dje Kwes

1. “E tent di reunion”

2. Na Efeso

3. Prefecto

4. Un diesmo. Pasobra nan no tabatin herencia den e pais, sino mas bien tabata dedicá na sirbishi dje santuario

5. Rahab

6. Corinto

7. “E spiritu ketu i suave”

8. E ‘bon nobo dje reino’ tin cu ser predicá rond mundu

9. Emperador

10. “E escudo grandi di fe”

11. Bela cu rema

12. Carni di bestia

13. Breu

14. E ‘poder di rikesa’

15. “Cariño fraternal sin hipocresia”

16. “Dor di Frigia i e tera di Galacia”

17. Ben

18. Jehova a dal e cu lepra

19. Lana di camel of lana di cabritu

20. Nero

21. Eva