‘Educativo i Informativo’

Asina un homber di 26 aña di den e cerunan di Papua Nueva Guinea a describí Spierta!

Den un carta dirigí na e oficina di sucursal local, el a skirbi: “Mi ta felicitá boso cu e artículonan maraviyoso, verídico, educativo i informativo cu boso ta imprimí den boso revista popular Spierta!” E homber a splica: “Aunke mi no ta miembro dje religion di Testigonan di Jehova, mi ta disfrutá masha hopi di lesa e revista Spierta!, mi ta fia nan cerca amigunan. . . . Cada biaha cu mi lesa unu, mi ta haña gana di skirbi i felicitá boso pa boso esfuerso balioso. Pero net ora mi kier bai hacié, ta yega un otro revista i e ta tene mi ocupá atrobe.”

E lector apreciativo aki a concluí: “Ami ta haña cu Spierta! ta realmente balioso pa ken cu por lesa. Di fondo di mi curason mi kier gradicí boso sinfin.”

Spierta! ta percurá iluminacion riba hopi tópico. Mas importante ainda, e ta edificá confiansa den e promesa dje Creador di trece un mundu nobo pacífico cu lo remplasá e actual sistema di cosnan.

E foyeto di 32 página Kico Dios Ta Rekerí di Nos? ta resaltá e propósito ei di Dios, i ta duna informacion for di Bijbel pa mustra kico nos tin cu haci pa haña su aprobacion. Bo por manda pidi e foyeto aki dor di yena e cupon adhunto i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Kico Dios Ta Rekerí di Nos?

□ Por fabor, tuma contacto cu mi pa un studio di Bijbel grátis na cas.