“Observando Mundu”

Ta Bai Scol

EDELMIRA, un hobencita di 15 aña na Merca, a haci bon uso dje revista Spierta! na scol. Den un carta na e publicadónan el a skirbi:

“Tur diabierne nos tin como tarea pa skirbi un informe basá riba un suceso actual. Mi a lesa e Spierta! di 22 di april 2000 [na papiamentu, 8 di mei 2000] i a dicidí di basa esun di mi riba e artículo den ‘Observando Mundu’ titulá ‘Compania di Tabaco Ta Admití Cu Humamentu Ta Causa Cancer.’ Mi a skirbi un resúmen i a les’é p’e klas. E yufrou i e muchanan a paga bon tinu. Ora mi a caba, un mucha muher a puntra mi—dilanti henter klas—si a costa mi hopi tempu pa haña tal informacion. Mi a dun’é e Spierta! El a cuminsá les’é cu smak, i un mucha homber di nos congregacion cu ta den e siguiente les huntu cuné a bisa cu ora el a mir’é ainda e tabata lesand’e. Awor e mucha muher ta bisa cu e kier haña tur edicion di tantu e Spierta! como su compañero E Toren di Vigilancia.

E experencia aki a laga mi sinti mi orguyoso di ta un Testigo di Jehova. El a siña mi cu nos tin masha hopi oportunidad pa papia tocante Jehova.” Edelmira ta terminá su carta: “Mi kier gradicí boso pa boso trabou duru den producí e revistanan aki. Por fabor sigui imprimí ‘Observando Mundu’!”