E “Oro” di Nort

DJE CORESPONSAL DI SPIERTA! NA POLONIA

DESDE tempu di antigwedad, hende a yama e piedra ámber: e oro di nort. Den antiguo Roma nan a consider’é como mercancia. De facto, nan ta bisa cu emperador Nero a manda un homber di noblesa bai cumpra ámber na Polonia. Kico e negoshantenan di ámber a ricibí a cambio? Monedanan di oro i plata i artículonan pa uso diario. Hende a yega di indicá cu e ruta di negoshi di ámber a hunga un papel importante den plama cristianismo na Polonia durante e promé siglonan di e Era Comun.

Algun hende tabata kere cu ámber tin poder mágico. P’esei, nan a us’é pa traha amuleto, supuestamente pa trece suerte, como proteccion contra mala suerte i pa yuda nan den yagmentu i combate. Tambe hende a usa ámber den adoracion dje mortonan. Obhetonan plat rondó, hacha i estatuanan chikitu trahá di ámber tabata ser usá den adoracion di solo, di antepasado i den cultonan di fertilidad.

Fuera di esei, ámber a hunga un papel importante den medicina tradicional di pueblo. Hende tabata kere cu bisti cadena trahá di cuenta di ámber na garganta lo kita dolor di cabes, di nek i garganta, miéntras cu armband di ámber lo a yuda esnan cu ta sufri di reumatismo. Tambe nan a usa vários crema, bálsamo, mescla i awa di ámber cu a trek den alcohol. Asta awendia, algun hende ta kere cu ámber tin podernan curativo.

Ámber sigur ta duna onor na e Creador di tur cos, Jehova Dios. Cu bon motibu anto, e salmista a ser inspirá pa declará: “Cuantu ta bo obranan, o Jehova! Bo a traha nan tur den sabiduria. E tera ta yen di bo produccion.”—Salmo 104:24.

[Plachi na página 31]

Tur plachi: Dziȩki uprzejmości DEJWIS COMPANY; Gdańsk-Polska