Bin Tende e Discurso Público Grátis

“Ken Ta Siñando Tur Nacion e Berdad?”

Un biaha un obispu a pretendé: “Berdad absoluto ta fuera di alcanse di nos tur.” E punto di bista ei ta corecto? Of ta existí un fuente di berdad absoluto? Ta posibel cu lo yega un tempu cu tur hende lo papia e berdad?

Cuminsando for di luna di mei, e discurso cu e título mencioná ariba lo ser duná na Merca na 189 Congreso di Distrito di tres dia di Testigonan di Jehova cu tin e tema “Siñadónan dje Palabra di Dios.” De facto, e discurso público aki lo ta un rasgo sobresaliente di mas o ménos 2.000 di e congresonan ei tené den alrededor di 150 pais rond mundu.

Algun dje preguntanan cu lo ser tratá ta: Unda e berdad ta originá? Con e berdad ta ser revelá? Cua ta e buki di instruccion principal cu ta revelá e berdad?

Bo por bai scucha e discurso importante aki na un congreso cerca di bo cas. Tuma contacto cu Testigonan di Jehova local of skirbi e publicadónan dje revista aki pa bo haña sa e sitio cu ta keda mas cerca di bo. E edicion di 15 di februari 2001 di nos revista compañero, E Toren di Vigilancia, ta mencioná adres di tur sitio di congreso na Antianan Hulandes, Aruba, Hulanda, Merca i Cánada.