Bo Sa e Contesta?

(Por haña e contestanan dje kwes aki den e textonan di Bijbel duná, i e lista completo di contesta ta na página 29. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Testigonan di Jehova.)

1. Kico siguidónan dje pasonan di Jesus ta ricibí ora nan ser ungí cu spiritu santu? (Hebreonan 3:1)

2. Di con Jehova a duna e di dos yu homber cu Oséas a haña cu su casá Gomer, e nomber cu ta anunciá un mal noticia: Lo-ammí? (Oséas 1:9)

3. Segun Santiago, cua ta e promé cualidad cu sabiduria celestial ta producí den un persona? (Santiago 3:17)

4. Kico Nabucodonosor a haci asina cu Daniel a interpretá e soño dje imágen? (Daniel 2:46, 47)

5. Cua colornan di dai nan a usa hopi den e tabernáculo i pa pañanan di sacerdote? (Éxodo 28:6)

6. E salmista a sinti mescos cu cua paranan ora e tabata sufri solitariamente? (Salmo 102:6)

7. Dor di cua porta Jesus a bisa cu un hende mester drenta pa haña “e caminda cu ta hiba na bida”? (Mateo 7:13, 14)

8. Di con Moises a tapa su cara ora e tabata duna e yunan di Israel e mandamentunan di Dios? (Éxodo 34:35)

9. Aunke Amasa a tuma parti pa Absalom contra David, ki motibu David a duna pa ofrec’é e puesto di Joab como hefe di ehército? (2 Samuel 19:13)

10. Cu kico e mana cu e israelitanan a ricibí milagrosamente den desierto tabata baha for di shelu? (Númeronan 11:9)

11. Con e fariseonan a purba coge Jesus den e trampa di ta instigá rebelion contra Roma? (Mateo 22:15-21)

12. Con Jokebed a sconde su “bunita” baby di tres luna i asina a salba su bida? (Éxodo 2:2-10)

13. Kico Balaam a manda Balak haci na cada un dje tres puntonan haltu di observacion? (Númeronan 23:1, 14, 29)

14. Cuantu yu di Haman e hudiunan a mata den e kasteel di Susa? (Ester 9:12)

15. Ki sucesonan extraordinario a tuma lugá ora e disipelnan di Jesus a reuní na Jerusalem riba dia di Pentecoste aña 33 E.C.? (Echonan 2:2-6)

16. Ki excuus Jonatan a duna Saul pa splica di con David no tabata presente pa come cu nan? (1 Samuel 20:6)

17. Kico ta e promé cos cu Juan ta mira den su vision di Revelacion? (Revelacion 1:12)

18. Kico e “multitud grandi” ta proclamá cu nan debe Dios i e Lamchi? (Revelacion 7:9, 10)

19. Segun Pablo, kico tabata e propósito dje Ley di Moises, i con el a ser transmití? (Galationan 3:19)

20. Mencioná dos cos cu tabata prohibí pa e israelitanan come. (Levítico 3:17)

21. Segun registro, ken ta e promé persona cu a usa e nomber di Dios? (Génesis 4:1)

22. Con a ser indicá cu un persona den antiguo Israel a scoge pa keda catibu? (Deuteronomio 15:17)

23. Di con Ésdras a proclamá un ayuno na e riu Ahavá na Babilonia? (Ésdras 8:21)

 Contestanan dje Kwes

1. E “yamada celestial” pa ta rey i sacerdote huntu cu Jesucristo

2. Pa mustra cu El a rechasá Israel sin fe

3. Puresa, esta, puresa di curason

4. El a cai abou, rindi homenahe na Daniel i duna alabansa na Jehova

5. Blou, púrpura-corá, scarlata carmesí

6. Pelican i e palabrua (shoko) chikitu

7. “E porta smal”

8. Su cara “tabata saca rayo” despues cu Dios a papia cuné

9. David a bisa cu e tabata su “wesu” i su “carni”

10. Serena

11. Dor di puntra si tabata “legal pa paga belasting personal na César”

12. El a pon’é den un macutu waterproef trahá di papiro na oriya di riu Nilo, caminda e yu muher di fárao a hañ’é

13. Balaam a mand’é traha shete altar i ofrecé un toro i un chubat’i carné riba cada un di nan

14. Dies

15. Tabatin un zonido for di shelu, “lenganan manera di candela a bira visibel” riba cada disipel, i e disipelnan a yena cu spiritu santu i a cuminsá papia den diferente lenga

16. El a bisa cu David a bai Betlehem pa e sacrificio anual di su famia

17. Shete candelaria di oro

18. Salbacion

19. Pa “saca ofensa na cla.” “El a ser transmití via angel pa medio dje man di un mediador”

20. Vet i sanger

21. Eva

22. Nan a bora orea dje catibu cu un prim

23. Di manera cu esnan cu tabata bolbe bek lo por a humiyá nan mes dilanti Jehova i busca “e caminda corecto” cerca dje