Con Spierta! A Salba Su Bida

“MI NO kier a sigui ta un carga pa mi famia, pues mi a dicidí cu suicidio lo ta e solucion.” Asina un homber na Népal a skirbi. E ta sigui bisa: “Mi a prepará un cabuya i a scoge na unda i ki dia pa hacié. Pero net un siman promé cu e fecha, mi a ricibí e edicion di Spierta! (na spañó) di 22 di februari 2000.”

E seri di artículo principal pa e edicion ei tabata “Suicidio: Ken Ta Core Mas Riesgo?” E homber ta skirbi: “Mi tabatin mester di tur mi forsa i curashi pa coge e revista i les’é. E splicacion dje dies factornan di riesgo pa suicidio a impresioná mi profundamente i a pone mi cambia di idea.” El a concluí: “Mi no por keda sin expresá mi aprecio pa loke boso a haci pa mi. Boso esfuerso pa skirbi e artículonan aki a salba mi bida!”

Tin hopi factor enbolbí den e creciente porcentahe di suicidio awe. Un di nan ta e falta di un propósito den bida cu hopi hende ta sinti. E foyeto ¿Qué propósito tiene la vida? ¿Cómo descubrirlo? (Kico Ta e Propósito di Bida? Con Bo Por Haña Sa?) a yuda hopi hende comprendé cu realmente nan por spera un bida mas mihó. Bo por pidi un ehemplar dor di yena e cupon adhunto i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto ¿Qué propósito tiene la vida? ¿Cómo descubrirlo?

□ Por fabor, tuma contacto cu mi pa un studio di Bijbel grátis na cas.