Con Mester Disipliná Mucha?

“Problema ta surgi ora cu mayornan ta duna yunan nan aprobacion, sin importá kico e mucha a haci,” segun e korant di Cánada National Post. Algun mayor ta pensa cu e manera aki di trata cu mucha, ta edificá balor propio di nan yunan. Sin embargo, segun e sicólogo Roy Baumeister: “Balor propio ta apropiado, ora e ta basá riba berdadero logro, pero mayornan mester concentrá riba siña nan yunan dominio propio.”

Un mayor cu tin miedu di corigí su yu ora e mucha ta haci algu robes, ta perhudicá e mucha. Al fin i al cabo, duna coreccion ta un método di instruccion. Como tal, e ta siña un mucha cu faya pa evitá di ripití su erornan. Claro cu mayornan mester evitá di duna coreccion den un manera cruel i cu no ta cuadra cu e cos robes cu e mucha a haci. (Jeremías 46:28) Nan mester haci sigur cu e castigu no ta di mas. Bijbel ta bisa: “Boso, tatanan, no fada boso yunan, pa nan no bira desanimá.”—Colosensenan 3:21.

Consistentemente Bijbel ta relacioná coreccion cu amor i suavedad, i no cu rabia i crueldad. Un consehero sabí mester ta “amabel pa cu tur, . . . frená bou di maldad, instruyendo esnan cu no ta faborablemente dispuesto cu suavedad.” (2 Timoteo 2:24, 25) P’esei, coreccion cu mayornan ta duna no mester ta djis un manera pa e mayor deshogá su emocionnan. Di ningun manera Bijbel no ta apoyá uso di métodonan cu ta perhudicá un mucha físicamente of emocionalmente.

Miyones di hende rond mundu a beneficiá di e publicacion di 192 página aki. E tin capítulonan instructivo manera: “Entrená Bo Yu Desde Infancia” i “Yuda Bo Yu Tiener Desaroyá Su Mes Bon.” Pa bo haña bo ehemplar, por fabor, yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki. Lo bo ricibí sugerencianan specífico cu por yuda bo solucioná problema i haci bida di famia e deleite cu e Creador tabata kier p’e ta.

□ Manda mi un ehemplar dje buki E Secreto pa Felicidad den Famia.

□ Por fabor, tuma contacto cu mi pa un studio di Bijbel grátis na cas.