Unda Hende Por Haña Contesta?

Esei ta loke hopi hende ta puntra awe. Un yufrou di scol na Novosibirsk, Rusia, a comentá cu no ta fácil pa haña contesta riba e preguntanan cu su alumnonan ta hacié tocante Dios i religion. El splica den un carta:

“Un dia cu mi a yega cas, mi a haña un tratado chikitu cu nan a laga pa mi titulá ‘Pakiko bo por konfia e Beibel.’ Mi ta duna les di historia na scol, i hopi bes mi tin cu trata tópiconan manera iglesia, Bijbel i Dios cu e alumnonan. Tin biaha ta masha difícil pa haña contesta riba e preguntanan cu muchanan ta haci.

Ántes mi tabata pensa cu hende ta busca Dios solamente ora nan tin problema. Pero awor mi tin sigur cu esei no ta completamente berdad. Un hende ta puntra tambe: ‘Di con ami? Ken mi ta? Di unda m’a bini? Unda mi ta bai ora mi muri?’ Ta importante pa haña contesta riba e preguntanan aki. Parce cu Bijbel ta duna argumentonan convincente.”

E yufrou di scol a concluí: “Mi a skirbi e carta aki pasobra mi kier sa mas tocante Bijbel i Dios.”

Testigonan di Jehova ta dirigí hende na Bijbel pa haña contesta riba nan preguntanan. Considerá por ehempel e buki Conocimentu cu Ta Hiba na Bida Eterno. Entre su 19 capítulonan tin: “Ken Ta e Dios Berdadero?,” “Pakico Nos Ta Bira Bieu i Muri?” i “Pakico Dios Ta Permití Sufrimentu?” Bo por manda pidi e buki pa studia Bijbel aki di 192 página dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda pa mi un buki Conocimentu cu Ta Hiba na Bida Eterno.

Indicá cua idioma.

□ Por fabor, tuma contacto cu mi pa un studio di Bijbel grátis na cas.