Bo Sa e Kontesta?

(Bo por haña e kontestanan dje kwes aki den e tekstonan di Beibel menshoná. E lista di tur kontesta ta na página 14. Pa mas informashon, wak den e publikashon “Perspikasia pa Komprendé e Skritura,” publiká dor di Testigunan di Yehova.)

1. Dikon Isaías ta bisa ku riba e dia di Yehova hende lo tira dios di oro i di plata pa raton djanochi? (Isaías 2:⁠20)

2. Pakiko israelitanan no mester a kosechá tur e rant di nan kunuku? (Levítiko 19:⁠9, NW )

3. Kiko e Lei di Moises a rekerí pa un hòmber hasi si e destruí wowo di su esklabo òf bula su djente afó? (Éksodo 21:​26, 27)

4. Na ki momento so un matadó por a sali for di un stat di refugio? (Numbernan 35:⁠25)

5. Kuantu tempu despues ku Kornelio a hasi orashon na Dios, Pedro a bishit’é? (Echonan 10:​30-⁠33)

6. Kiko Pablo a bisa pa hasi ku “esnan ku ta kousa divishon i strobashon”? (Romanonan 16:⁠17)

7. Kon Satanas a afektá salú di Job ora el a purba komprometé su integridat? (Job 2:⁠7)

8. Unda e israelitanan tabata ora nan a kome mana pa promé bes i e lei di sabat a drenta na vigor? (Éksodo 16:⁠1)

9. Kon Aod (Ehud) a mata Eglon rei di Moab? (Huesnan 3:⁠16)

10. Den kua provinsia romano e shete kongregashonnan ku Huan a manda karta p’e tabata? (Revelashon 1:⁠4)

11. Ku kua bestia Hesus ta ser konektá hopi bes, i dikon? (Huan 1:⁠29)

12. Ki término Beibel ta usa pa referí na tur awa na mundu, na kontraste ku tera? (Habakuk 2:⁠14)

13. Ki material Noe a usa pa hasi e arka ‘waterproof’? (Génesis 6:⁠14)

14. Kiko a sosodé den shelu despues ku Kristu a ser entronisá? (Revelashon 12:⁠7)

15. Kua dos disipel Hesus a manda pa bai hasi preparashon pa su último selebrashon di Pasku Hudiu? (Lukas 22:​7-13)

16. Riba ki tipo di bestia Beibel a profetisá ku Hesus lo drenta Yerusalèm na manera triunfante? (Zakarías 9:⁠9)

17. Kua insekto hende floho ta ser animá pa imitá? (Proverbionan 6:⁠6)

18. Kiko a pasa ora Pedro a usa su spada pa purba defendé Hesus? (Huan 18:⁠10)

19. Ki insekto e fariseonan a paga masha bon tinu pa nan sefta saka pa nan no bira seremonialmente impuru? (Mateo 23:⁠24)

20. Ken ta konosí p’e echo ku el a onra su yunan mas ku Yehova? (1 Samuel 2:​22, 29)

 [Komentario di e plachi na página 14]

Kontestanan dje Kwes

1. Debí ku tur loke ídolonan asina meresé ta un lugá skur i sushi, no un lugá di onor ni prominensia

2. Pa hende di poko rekurso i stranheronan por tabatin algu pa piki

3. Duna e esklabo su libertat

4. Ora e sumosaserdote muri

5. KUATER DIA

6. Tene nan na bista i apartá for di nan

7. El a dal Job ku blufein riba henter su kurpa

8. Den desierto di Sin

9. Ku un spada di dos fila

10. ASIA

11. UN LAMCHI. Debí ku Hesus ta sirbi komo sakrifisio

12. LAMAN

13. BREU

14. Un guera ku a hiba na ekspulshon di Satanas for di shelu

15. Pedro ku Huan

16. UN BURIKU

17. VRUMINGA

18. El a kòrta orea drechi di Malko, esklabo dje sumosaserdote, kita afó

19. SANGURA ÒF WIMPIRI

20. SUMOSASERDOTE ELI