Bo Ta Invitá na e Kongreso di Distrito “Proklamadónan Seloso Dje Reino”

NA MERKA so tin 194 kongreso programá. E promé lo ta dia 17 pa 19 di mei, i e último ta meimei di sèptèmber. Kasi sigur lo tin un di e kongresonan aki di tres dia​—⁠normalmente nan ta di djabièrnè pa djadumingu​—⁠na un sitio den bo bisindario.

Na mayoria lugá e seshon lo kuminsá 9:30 di mainta ku un programa musikal. Riba e promé dia, despues di e diskurso di bonbiní lo tin un parti den kua ta entrevistá proklamadónan di Reino. Anto despues di e diskursonan “Deleitá Bo Mes den Yehova” i “Sea Gradisidu,” e seshon di mainta lo konkluí ku e diskurso klave: “Selo Ta Stimulá Proklamadónan di Reino.”

E seshon di djabièrnè atardi lo inkluí un simposio di tres parti, “E Profesia di Mikéas Ta Fortifiká Nos pa Kana den e Nòmber di Yehova,” i tambe e diskursonan “Keda Moralmente Puru dor di Protehá Bo Kurason” i “Warda Bo di Engaño.” Por último, durante e diskurso final “Adorá e Úniko Dios Berdadero,” nos lo haña algu tremendo pa usa den sirbishi kristian.

E seshon di djasabra mainta lo tin entre otro e simposio di tres parti “Proklamadónan di Reino Ku Ta Glorifiká Nan Ministerio.” Despues lo sigui e diskursonan animador “Pakiko ‘Hasi Orashon Sin Stòp’” i “Kòmbersashon Spiritual Ta Edifiká.” E programa di mainta lo konkluí ku un diskurso di dedikashon i boutismo, i despues lo tin oportunidat pa batisá personanan ku ta kumpli ku e rekisitonan.

E programa di djasabra atardi lo presentá e último simposio di tres parti di e kongreso, “Vários Prueba Ta Tèst e Kalidat di Nos Fe.” E partinan lo yuda kristiannan konfrontá e reto di mantené neutralidat. E programa di djasabra ta konkluí ku un punto sobresaliente di e kongreso, e diskurso konmovedor “Hala Serka Yehova.”

E programa di djadumingu mainta lo dirigí atenshon spesial na e hóbennan, kuminsando ku e diskursonan “Bo Konfiansa Ta den Yehova?” i “Hóbennan​—⁠Traha pa Futuro Huntu ku Yehova Su Organisashon.” E último parti lo tin 20 minüt di entrevista. Despues lo sigui un drama den pleno trahe i esenario antiguo tokante Yeremías, kende a protestá ora Dios a nombr’é komo profeta: “Mi ta un mucha.” (Yeremías 1:⁠6) Despues di e drama lo sigui un diskurso ku lo resaltá e mensahe ku e drama a transmití. E programa di atardi lo presentá e diskurso públiko: “E Esena dje Mundu Aki Ta Kambiando.”

Bo bida sigur lo bira mas riku den sentido spiritual si bo asistí tur tres dia. Pa bo haña e sitio di kongreso mas serka bo kas, tuma kontakto ku e Salon di Reino lokal di Testigunan di Yehova òf skirbi e publikadónan di e revista aki. Den E Toren di Vigilansia di 15 di febrüari 2002, tin un lista di e kongresonan na Aruba, Kòrsou i Hulanda.