Edifisionan Haltu Ta Sigui Bai Laira na Asia
Edifisionan Haltu Ta Sigui Bai Laira na Asia
“Aktualmente nan tin planiá pa traha seis edifisio masha haltu ku lo ta mas haltu ku e anterior World Trade Center impreshonante di 1.376 pia [419 meter]. Nan tur ta na Asia,” segun The Wall Street Journal. E korant ta agregá ku na Asia e entusiasmo ku hende a demostrá durante e último 20 añanan pa edifisionan masha haltu, ta sigui.
Edifisionan haltu lo dòrna shelu di statnan na China, Korea i Taiwan. “E deseo pa yega shelu ta profundamente ankrá den hende su ser,” segun Cesar Pelli, arkitekto di e edifisionan ku aktualmente ta esnan mas haltu na mundu, e dos Torennan di Petronas na Kuala Lumpur, Malasia. “E deseo aki di hende pa pone un símbolo impreshonante i distintivo den shelu a kuminsá desde e Toren di Babel.”
Ingenieronan ta agregando mayor medidanan di siguridat. Esakinan ta inkluí ‘pisonan di refugio habrí’ kada 10 pa 12 piso, un kurason di edifisio mas fuerte, un frame ku ta konektá e kurason di e edifisio ku e kolumnanan prinsipal di pafó òf ku ta lora rònt di e edifisio, i mas trapi pa sali ora di kandela, e tiponan ku ta bira hanchu n’e parti mas abou di e edifisio pa akomodá mas hende.
Aktualmente na mundu tin mas o ménos dos dozein di edifisio apto pa biba aden ku ta surpasá 300 meter, i mas ku mitar di nan ta na Asia. “Sin embargo, ekspertonan ta di akuerdo ku kasi no tin motibu práktiko pa traha edifisio mas haltu ku 60 piso,” segun Wall Street Journal.
[[Plachi na página 18]
Ku un haltura di 452 meter, e Torennan Petronas ta esnan mas haltu na mundu
[Tabèl/Plachinan na página 18]
(Pa e teksto den su formato kompleto, wak e publikashon)
Haltura di edifisio ta inkluí e punta di toren dekorativo pero antèna nò.
143 meter 2500 P.E.K. Piramit di Khafra, Giza, Egipto
300 meter 1889 Eiffel Toren, Paris, Fransia
348 meter 1997 T & C Tower, Kaohsiung, Taiwan
369 meter 1989 Bank of China, Hong Kong, China
381 meter 1931 Empire State Building, New York, Merka
442 meter 1974 Sears Tower, Chicago, Merka
452 meter 1997Petronas Towers, Kuala Lumpur, Malasia
460 meter (Proponé pa aña 2007) Shanghai World Financial Center, Shanghai, China
508 meter (Planiá pa terminá na aña 2003) Taipei Financial
Center, Taipei, Taiwan
[Rekonosementu]
Tur pintura: Kortesia di SkyscraperPage.com