“Lus Perfekto”

SI BO a yega di mishi ku un pera di lus ku tabatin un ratu sendé, bo sa ku e por bira hopi kayente. E kalor ku e pera di lus ta produsí ta bini di desperdisio di energia. Un pera di lus konvenshonal ta emití solamente 10 porshento di su energia komo lus i ta desperdisiá 90 porshento komo kalor. Na komparashon, bich’i kandela, e insekto chikitu ku ta produsí lus, (mira ariba, amplifiká) tin un efisiensia di kasi 100 porshento.

Bich’i kandela ta gasta asina poko energia komo kalor ku e lus ku nan ta produsí a ser yamá “lus perfekto.” Kon nan ta produsí e lus aki? E barika di un bich’i kandela ta kontené un supstansia orgániko konosí komo lusiferin. Ora e oksígeno ku e hala den su barika pa medio di un tubu ku yama trakea apdominal meskla ku lusiferin, e ta kousa un reakshon kímiko ku ta emití un brio hel kla ku por bira te asta un bèrdè kombiná ku kòrá.

E sèlnan ku ta produsí e lus dje bich’i kandela ta kontené tambe kristal di ásido úriko, ku ta yuda reflehá e lus ku tin den barika di e insekto manda afó. Sientífikonan ta bisa ku bich’i kandela ta usa nan lus pa atraé nan pareha, i ku diferente tipo di bich’i kandela ta saka diferente patronchi i ritmo.

Bo no ta di akuerdo ku e manera ku e kriaturanan chikitu aki ta trahá ta duna alabansa na nan Kreadó, Yehova Dios? Sí, manera e salmista a deklará: “Laga tur loke tin rosea alabá SEÑOR.”​—⁠Salmo 150:⁠6.

[Rekonosementu pa Potrèt na página 31]

© Darwin Dale/Photo Researchers, Inc.