Su Solushon pa Bochincha

“Mi ta empleá na un kompania ku ta traha ko’i hunga. Gran parti di e trabou ta rutinario, i e trahadónan tin mag di skucha muzik. Un di mi koleganan, sintá den e hòki banda di mi, stima skucha muzik degradá. Dos otro kolega den mi sekshon tambe gusta e tipo di muzik ei. Pero pa ami, tabata masha fastioso pa skucha e muzik ei ocho ora pa dia.

Mi a pensa riba e bentahanan di keda ku e trabou. Un di nan tabata ku mi supervisor semper a duna mi liber pa asistí na kongresonan di distrito i na reunionnan spesial pa Testigunan di Yehova ku ta den sirbishi di tempu kompletu. Tambe mi trabou no ta leu for di mi kas, i e orario ta duna mi tempu pa sirbishi.

Mi a bai serka mi koleganan i a pidi nan tur na bon pa sea kambia e muzik òf baha e volúmen. Nan a bai keha mi serka e supervisor. E supervisor a yama mi den su ofisina. E di: ‘Sharon, bo no por kombertí e kompania aki na bo religion. Nos trahadónan tin mag di skucha loke nan kier.’

E ora ei mi a puntr’é si mi tin mag di bin ku mi mes kasèt player ku headphone. El a bai di akuerdo. Mi a trese e tapenan di E Toren di Vigilansia. Esaki a yuda mi pa mi no tin ku skucha muzik degradá, i tambe e tapenan a yuda mi keda spiritualmente fuerte.”​—Segun e relato di Sharon Quan.