Bientu A Tres’é

Un kabayero tabata kanando den e kayanan di Mumbai, India, ora ku un ráfaga di bientu a benta un pamfleta dilanti su pia. Tabata e Notisia di Reino Num. 36, titulá “E Milenio Nobo—Kico Futuro Tin pa Bo?” E tópiko a hala su atenshon. Mesora el a kohe e pamfleta i les’é kompletu. Loke el a lesa a lanta su interes i komo ku e kier a haña mas informashon, el a manda pidi un Beibel i otro publikashon.

E pamfleta, publiká dor di Testigunan di Yehova, ta kontené pensamentunan ku ta fortifiká fe. E ta splika bon kla ku e problemanan ku nos ta konfrontá—entre otro malesa, pobresa i guera—ta ser kousá dor di “golosidat, deskonfiansa i egoismo, karakterístikanan ku no por ser eliminá djis dor di investigashon sientífiko, teknologia òf polítika.” Tambe e tratado ta mustra ku den futuro serkano, Dios lo libra mundu di tur maldat.

Lo bo tin gana di siña mas tokante loke Beibel ta primintí pa futuro? Testigunan di Yehova ta duna lès di Beibel na miónes di hende den nan propio kas, usando publikashonnan basá riba Beibel, inkluso e foyeto Kico Dios Ta Rekerí di Nos? E foyeto aki ta kontestá preguntanan manera: Ken Dios ta? Kiko ta Dios su propósito pa e tera? Kiko ta e Reino di Dios? Kon Beibel por mehorá bo bida di famia?

Si bo ta deseá, un Testigu di Yehova gustosamente lo bishitá bo na kas pa yuda bo komprondé kiko Dios ta bai hasi den futuro serkano, i duna bo mas informashon tokante e Reino di Dios. Sea asina bon di yena e kupon aki bou pa asina nan por yuda bo.

□ Trese pa mi un foyeto Kico Dios Ta Rekerí di Nos?

□ Por fabor, tuma kontakto ku mi pa un studio di Beibel grátis na kas.