E Reunion di Mas Importante di Aña

Imaginá ku bo ta sufri di un malesa fatal. Un operashon por kura bo, pero e operashon ta muchu karu i bo no tin moda di pag’é. Awor suponé ku un persona bondadoso ta intervení i ofresé pa paga pa e operashon. Lo bo no ta gradisidu pa su regalo ku a salba bo bida?

Beibel ta siña nos ku e promé hendenan, Adam ku Eva, a pasa piká i morto na tur nan desendensia. Den un sentido anto, nos tur a nase ku un malesa inkurabel, i niun di nos no tin moda pa paga pa e kura. (Salmo 49:7-9) Sin embargo, Yehova Dios a duna su Yu Hesukristu, komo un reskate pa paga e preis di nos pikánan. Debí na e regalo aki ku ta salba bida, nos tin e oportunidat di biba pa semper den Paradeis.—Romanonan 6:23.

Riba djarason 16 di aprel, despues ku solo baha, Testigunan di Yehova lo konmemorá e morto di Hesus. Aña pasá tabatin mas ku 15.000.000 hende presente, di kua mayoria no tabata Testigu di Yehova. Bo ta ser invitá pa asistí e aña aki na e Konmemorashon di e morto di Kristu. Di bèrdat e ta e reunion di mas importante di aña. Por fabor, chèk ku Testigunan di Yehova lokal pa e lugá i ora eksakto.