“Mi Ta Rekomendá Tur Hende pa Lesa e Buki Aki”

Ta na kua buki e konosido outor danes Erik Haaest, sitá ariba, ta referí?

Hende en Buska di Dios

El a skirbi: “Dinamarka tin hopi tabú. Mi ta bai violá un di nan awe. No ta comme-il-faut [pas] pa bisa kos bon di Testigunan di Yehova. Anto esei ta netamente loke mi ta bai hasi awor.

Pa masha hopi aña kaba tin un pareha kasá nèchi bistí ta pasa tur luna na mi porta pa duna mi e revistanan E Toren di Vigilansia i Spièrta! Hopi tempu pasá mi a splika nan ku mi no ta bai kombertí na niun religion, pero ku sí mi ta haña nan revistanan sumamente informativo i interesante, basta bo laga e partinan afó kaminda nan ta propagá nan kreensianan. Mi a lesa vários artíkulo fasinante den e revistanan ei, i e echo ku nan tin un sirkulashon di [21 mion] ehemplar sigur ta meresé un sierto rèspèt.

Poko tempu pasá, e nèchi pareha a duna mi e buki aki [Hende en Buska di Dios], grátis. . . . Mi a lesa e buki for di dilanti te patras. Tambe mi a kontrolá mayoria di e referensianan, i nan ta hopi!

Esaki ta e historia di religion di mas mihó, verídiko i neutral ku mi a yega di lesa.

Mi ta rekomendá tur hende pa lesa e buki aki. Klaru ku tin un parti tambe tokante e kreensianan di Testigunan di Yehova, pero esei ta un parti masha chikí di e ekselente historia di religion aki.”

Si bo kier risibí un ehemplar di e buki aki, sea asina bon di yena e kupòn aki bou.

□ Lo mi tin gana di risibí un ehemplar di e buki Hende en Buska di Dios.

□ Por fabor, tuma kontakto ku mi pa un studio di Beibel grátis.

[Rekonosementu pa Potrèt na página 32]

Ariba na man robes, hòmber hudiu: Garo Nalbandian; ariba meimei, mònik budista: G. Deichmann, Transglobe Agency, Hamburg