Un Karta di un Ser Kerí

Un lektor di New York a kompará e buki Hala Serka Yehova ku un karta di un ser kerí, i a splika: “Kada un kapítulo ta emoshoná mi i ta yena mi kurason ku amor pa Yehova.” El a agregá: “Awor ku mi a yega na final di e buki, mi ta ansioso pa bolbe les’é, meskos ku bo ta keda lesa un karta di un hende ku bo stima masha hopi.” Wak kiko otro lektornan tabatin di bisa.

Un lektor na Kansas a remarká: “Mi ta ègt sinti kon mi ta hala mas serka di mi Tata selestial. Gewon mi kurason ta yena ku amor . . . Mi ta ansioso pa kada mainta mi lesa un tiki mas, i lo mi bolbe les’é di nobo hopi biaha mas.”

Un señora di Maine a skirbi: “E buki aki a yuda mi masha hopi pa komprondé kon real e persona di Yehova ta! E deklarashon na página 74 ta un gran konsuelo: ‘Pa esnan ku muri, no tin un lugá mas sigur ku e memoria di Dios.’” Un persona na Alaska tabata di mesun opinion, el a skirbi: “Esei a touch mi asina profundo ku awa a basha for di mi wowo.” El a agregá: “Un kos ta sigur. Lo mi lesa e buki aki i referí na dje bes tras bes.”

Nos ta kere ku bo tambe lo sinti meskos si bo lesa e buki aki. Despues di e tres kapítulonan di introdukshon, e buki ta partí den kuater sekshon titulá “Grandi den Poder,” “Ta Stima Hustisia,” “Sabí di Kurason” i “Dios Ta Amor.” E ta konkluí ku e kapítulo “Hala Serka Dios, i E Lo Hala Serka Bo.”

Bo por manda pidi e buki aki ku kaft moli di 320 página, dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 dje revista aki.

□ Lo mi tin gana di haña un ehemplar di e buki Hala Serka Yehova.

□ Por fabor, tuma kontakto ku mi pa un studio di Beibel grátis na kas.