Profil di un Grupo Religioso

Komo parti di su lès di geografia na skol sekundario, Philip di 15 aña a haña e tarea di investigá i skirbi tokante un di e gruponan deportivo, polítiko, kultural òf religioso ku tin na Sydney, Oustralia, su siudat natal. Philip a skohe pa skirbi tokante e kongregashon lokal di Testigunan di Yehova, na kua e ku su famia ta pertenesé. E alumnonan mester a entrevistá 20 miembro di e grupo ku nan a skohe, pa asina nan por a duna entre otro kosnan, un profil òf deskripshon di “e faktornan ku ta karakterisá e grupo.”

Despues di a kompilá e resultadonan di su enkuesta, Philip a skirbi: “E kongregashon [lokal] di Testigunan di Yehova ta un organisashon religioso ku ta reuní huntu prinsipalmente ku e propósito pa siña for di Beibel. Durante e reunionnan aki, pasashinan di Beibel ta wòrdu lesá, anto kaba ta splika nan. Tambe e meta di e reunionnan ta pa siña nos kon ta e mihó manera pa siña otro hende tokante Beibel. Nos ta bai di kas pa kas pa asina nos por siña otro hende na nan kas mes, kaminda nan ta mas relahá. Tur miembro di e grupo ta partisipá den e trabou aki riba un base regular, i ta hasi loke nan por, segun nan sirkunstansia. Fuera di siña nan mes i otro hende tokante Beibel, e grupo ta distribuí tambe E Toren di Vigilansia i Spièrta! Nan ta revistanan informativo i al dia ku ta kontené hopi artíkulo interesante tokante naturalesa, historia, i kuestionnan mundial i lokal. Tambe nos ta purba duna apoyo na hende angustiá despues di atrosidatnan mundial teribel ku sa tuma lugá, manera esun di 11 di sèptèmber. I nos ta publiká literatura práktiko tokante temanan manera matrimonio, bida di famia i hubentut.”

Philip a haña un 10 pa su informe komo ku su investigashon tabata di hopi bon kalidat i bon presentá. Si abo lo tin gana di sa mas tokante e trabou ku Testigunan di Yehova ta hasi, papia ku nan e siguiente biaha ku nan bishitá bo kas òf tuma kontakto ku nan dor di skirbi na e adrès mas serka bo ku tin menshoná na página 5.

[Plachi na página 16]

Philip

[Plachi na página 16]

Italia

[Plachi na página 16]

Oustralia

[Plachi na página 16]

Brazil

[Plachi na página 16]

Hulanda