Su Scriptie A Hasi un Gran Impreshon

Durante su último aña na skol, Ginny, un Testigu di Yehova na Merka, a haña un bon chèns pa papia tokante su religion. El a konta: “Mi yùfrou a bisa nos klas ku nos mester traha un scriptie pa nos haña nos diploma. Mi a bis’é ku mi kier a skirbi tokante Testigunan di Yehova den kamponan di konsentrashon nazi.”

E yùfrou a aseptá pa Ginny skirbi tokante e tópiko ei. Ginny a atmití: “Mi tabata nervioso ora e dia a yega pa entregá mi scriptie i duna un spreekbeurt riba dje dilanti di klas. Mi no tabata sa kiko e muchanan den klas lo a bisa ni si nan lo a tenta mi.”

Ginny a kuminsá su presentashon ku e pregunta: “Boso sa ken tabata bisti e Strea di David den e kamponan di konsentrashon nazi?” Tur hende a bisa: “E hudiunan.” Anto el a puntra nan ta ken tabata bisti un triángulo püs. Niun hende no tabata sa. Ginny a bisa: “Mi a konta nan ku ta Testigunan di Yehova.”

E yùfrou i e klas a keda impreshoná ku e informashon ku Ginny a presentá. Segun Ginny: “Nan a keda hopi impreshoná pa e echo ku Testigunan di Yehova por a haña nan libertat simplemente dor di firma un papel den kua nan ta renunsiá nan religion. Despues algun mucha di mi klas a bisa mi ku ántes nan tabata hasi bofon di Testigunan di Yehova, pero ku e siguiente biaha ku un Testigu pasa na nan kas, nan lo skucha.”

Ginny a haña kuater 10 pa su scriptie i spreekbeurt. E di: “Mi a haña un bon punto, pero tambe un bon chèns pa papia tokante mi religion!”

[Plachi na página 11]

Nan a ofresé hopi Testigu di Yehova libertat, basta ku nan firma e dokumento aki renunsiando nan religion

[Rekonosementu]

Kortesia di United States Holocaust Memorial Museum