E Klave pa un Matrimonio Eksitoso

“Djis un poko infidelidat: esei ta e klave pa un relashon romántiko eksitoso,” segun e korant kanades La Presse. Esei tabata parti di un artíkulo ku a papia di un estudio ku a duna impreshon ku ta bon pa bo ta infiel na bo kasá. E estudio ku a sali publiká den e Journal of Social and Personal Relationships. Profèser Tim Cole, di e Universidat di De Paul, Chicago, Merka, ta bisa: “Dor di djis un poko infidelidat [esta, gañamentu], nos por mantené e benefisionan di un relashon [romántiko] sin pon’é na peliger.”

Pero infidelidat realmente ta un klave pa un matrimonio eksitoso? Beibel ta animá kristiannan: ‘Pone mentira un banda, kada un di boso papia bèrdat ku su próhimo.’ (Efesionan 4:25) E konseho aki ta funshoná? Ora nan a puntra un abogado pa kasonan di divorsio, kiko ta e motibu prinsipal ku parehanan ta separá, el a kontestá: “Esei ta pa motibu ku nan no por papia onestamente ku otro ni habri nan kurason pa revelá loke nan ta pensa i sinti ni trata otro manera mihó amigu.”

Kiko anto ta e sekreto pa un matrimonio felis? E tema di Kapítulo 3 di e buki E Secreto pa Felicidad den Famia ta: “Dos Klave pa un Matrimonio Duradero.” E ta trata dos faktor mashá importante ku ta yuda parehanan biba huntu den felisidat i esei ta habri kaminda pa hopi bendishon. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Lo mi tin gana di haña un ehemplar di e buki E Secreto pa Felicidad den Famia.

□ Por fabor, tuma kontakto ku mi pa un studio di Beibel grátis na kas.