‘Un Revista pa Digerí’

DAVID ta studia lei na e Universidat di Obafemi Awolowo na Nigeria. No muchu tempu pasá, el a skirbi e ofisina di sukursal di Testigunan di Yehova lo siguiente: “Mi tin kustumber di hiba Spièrta! pa un profèser bon konosí di 70 aña di edat di e fakultat di derecho. Un mainta, despues ku el a kaba di haña e revistanan nobo, el a bisa un bishitante den su kantor: ‘Algun buki ta pa purba, otronan pa guli i tin mashá poko ku bo mester kou i digerí. Spièrta! ta un revista ku bo mester kou i digerí.’”

Na un otro okashon, despues ku David a sali for di e ofisina di e profèser, el a tende e profèser rekomendá un otro bishitante pa lesa Spièrta! E karta ta sigui bisa: “El a elogiá e kalidat haltu di Spièrta! ku ta resultado di e investigashon profundo ku ta wòrdu hasí pa produsí e revista aki, i tambe pa su forma di analisá asuntunan di un manera balansá i franko. Mi a tend’é bisa: ‘Mi ta lesa e revistanan bon. Dios mester ta esun ku ta duna e eskritornan e sabiduria pa skirbi artíkulonan ekselente asina.’”

Spièrta! ta edukativo i ta trata hopi tópiko. Mas importante ainda, e ta duna hende konfiansa den e promesa di e Kreadó di un mundu nobo di pas ku lo remplasá e sistema di kosnan aktual. E foyeto di 32 página, Kico Dios Ta Rekerí di Nos? ta enfatisá e propósito ei di Dios i ta duna informashon bíbliko ku ta mustra kiko nos tin ku hasi pa nos haña su aprobashon. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Lo mi tin gana di haña un ehemplar di e foyeto Kico Dios Ta Rekerí di Nos?

□ Por fabor, tuma kontakto ku mi pa un studio di Beibel grátis na kas.