Hende Ta Kopia Diseño di e Kreadó

Kon ta posibel ku un pera di lus fini manera papel, por resistí e preshon fuerte ora ku bo ta hink’é òf drei e den su sòket? Segun e buki How in the World? (Kon Por Ta?), e kontesta ta sinta prinsipalmente den e forma di e pera di lus, ku ta basá riba e forma di kaska di webu. Maske kaska di webu ta hopi fini, e peso di e para no ta plècha e webunan ora e para sinta riba e nèshi pa brui nan. Esaki ta pasobra e forma di e webu ta duna e struktura di e kaska un forsa ku ta resistí preshon. (Si e kaska ta mas diki, e puitu lo no por kibr’é pa sali afó.) Kopiando e diseño di e Kreadó, pera di lus tin un forma rondó di manera ku ora bo ten’é, e forsa ‘ta plama bai den tur direkshon for di e punto di kontakto dor ku e glas tin kurva.’ Pues, meskos ku e webu, demasiado preshon no ta keda riba un solo punto, i e pera di lus no ta kibra. Hende a siña masha hopi dor di studia kreashon!