Un Buki Ku Tabatin un Gran Efekto

KOMO ku asina hopi hóben ta imitá e estilonan di bisti slòns i ku pa un tempu kòrtiku ta mashá na moda, ta refreskante ora ku algun hóben ta purba bisti na un manera modesto. Na Balykchy, un stat na Kyrgyzstan, anteriormente un repúblika di Union Soviétiko, un grupo di hóben a disidí di bai saka un potrèt bistí ku e tipo di paña ku nan a mira riba kaft di e buki Loke hovenan sa puntra—Contesta práctica. E hóbennan a bai serka un fotógrafo profeshonal i a pidié saka un potrèt di e grupo ku lo parse e potrèt riba portada di e buki. Riba e página aki tin e potrèt ku el a saka.

Despues di e sakamentu di potrèt, e hóbennan a laga e buki ku e fotógrafo. Na e momentu ei e no a mustra masha interes, ya ku e no tabata kere den Beibel. Sin embargo, ora e hóbennan a regresá un par di dia despues pa buska e potrèt, el a bisa nan ku nunka den su bida el a yega di lesa un buki asina. Tambe e di ku nunka el a realisá ku Beibel ta duna konseho asina práktiko, i e tabata ke sa mas. Komo resultado, el a kuminsá un studio di Beibel.

Bo tambe por manda pidi un ehemplar di e buki aki, ku ta skirbí spesialmente pa yuda hóbennan ku e problemanan ku nan ta konfrontá awe. Djis yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Lo mi ke haña un ehemplar di e buki Loke hovenan sa puntra—Contesta práctica.

□ Por fabor, tuma kontakto ku mi pa un studio di Beibel grátis na kas.