E Bida di Hesus—Un Regalo Hopi Apresiá

Kasi 2.000 aña pasá, Dios a duna humanidat e regalo di mas grandi den historia: bida di su Yu, Hesukristu, ku a hasi posibel ku nos por haña bida eterno. (Juan 3:16) Apresiando e regalo aki, hopi hende a regalá amigu- i famianan un ehemplar di e buki E homber mas importante cu hamás a biba. E ta un buki ku ta deskribí e bida di Hesus manera e kuater Evangelionan ta present’é.

Algun tempu pasá un hòmber a splika ku e ta duna e buki aki na e hendenan ku manda karchi di Pasku p’e. E ta skirbi nan un karta, splikando brevemente dikon e no ta selebrá Pasku mas. Den e karta e ta sita referensianan for di ensiklopedia, dikshonario i Beibel. Anto huntu ku e karta e ta manda un ehemplar di e buki E homber mas importante cu hamás a biba.

E hòmber a konta ku el a haña dos reakshon masha animante di dos profèser di universidat. Un di e kartanan a bisa: “Poko dia pasá nos a risibí bo bunita regalo, E homber mas importante cu hamás a biba. Nos ta masha kontentu kuné. E ta asina bunita den hopi manera. Ya kaba el a wòrdu usá sinfin.”

E buki aki ta inkluí e sermonnan ku Hesus a duna, i tambe su komparashon- i milagernan. Te kaminda ta posibel, tur kos ta ser relatá den e sekuensia ku nan a tuma lugá. I e buki tin plachinan bunita, bon investigá, ku ta diseñá pa transmití e sintimentunan di Hesus i di e hendenan di su tempu.

Si bo ta interesá pa haña un ehemplar di e buki aki di 448 página, sea asina bon di yena e kupòn athunto i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin niun obligashon, mi ke pidi un ehemplar di e buki E homber mas importante cu hamás a biba.

□ Por fabor, tuma kontakto ku mi pa un studio di Beibel grátis na kas.