Bo Sa e Kontesta?

(Bo por haña e kontestanan di e kwes aki den e tekstonan di Beibel menshoná, i na página 18 tin e lista di tur kontesta. Pa mas informashon, wak den e publikashon “Perspikasia pa Komprondé e Skritura,” publiká dor di Testigunan di Yehova.)

1. Kiko Abraham a kumpra for di e yunan di Hèt pa 400 siklo di plata? (Génesis 23:16-20)

2. Kiko tabata e kosnan enbolbí den e dos señalnan ku Gideon a pidi pa sirbi komo prueba ku Dios a apoy’é den su lucha kontra e madianitanan? (Huesnan 6:36-40)

3. Kiko a atraé Akan asina tantu ku el a ignorá e mandamentu di Dios i kousa e derota di e israelitanan na Ai? (Josué 7:21)

4. Despues ku Dios a krea un esposa pa Adam, kiko el a dekretá ku parehanan kasá lo a bira djei padilanti? (Génesis 2:24)

5. Ki práktikanan spiritista ta ser kondená den Beibel? (Deuteronomio 18:10, 11)

6. Ora Rei Asuero a hasi Ester reina, kon el a selebrá e echo ei? (Ester 2:18, NW)

7. Kiko Hesus a profetisá ku su siguidónan lo a bira pa kousa di su nòmber? (Mateo 10:22)

8. Ken tabata e muhé madianita ku Finees a mata ora Zimri a tres’é den e kampamentu di Israel pa tene relashon inmoral kuné? (Numbernan 25:15)

9. Ken ta ser deskribí den Proverbionan kapítulo 31? (Proverbionan 31:10, NW)

10. Ku ki palabra kada un di e tres sekshonnan di Mikeas su deklarashon kontra Samaria i Yerusalèm ta kuminsá? (Mikeas 1:2; 3:1; 6:1)

11. Ken a laga mata Amnon, promé yu di David, pero ku David a pordoná despues? (2 Samuel 13:32, 33)

12. Pakiko Mikal, esposa di David, a “despresi’é den su kurason,” loke a pone Mikal muri sin haña yu? (2 Samuel 6:14-16, 20-23)

13. Ku ki suseso Beibel ta relashoná Armagedón? (Revelashon 16:14, 16)

14. Den Listra, na promé instante e multitutnan kier a hasi un sakrifisio pa Pablo; djis despues nan kier a piedr’é. Kon bin nan a kambia asina lihé? (Echonan 14:19)

15. Kiko Pedro a hasi den su esfuerso pa protehá Hesus for di e sòldánan ku a bin arest’é? (Juan 18:10)

16. Den e di tres tentashon den e desierto, kiko Diabel a purba pone Hesus hasi? (Mateo 4:9)

17. Ki supstansia ta ser menshoná den Beibel pa indiká piká òf kontaminashon? (Mateo 16:6)

18. Segun Beibel, e sabiduria di Salomon tabata superior n’e sabiduria di kua otro hende? (1 Reinan 4:31)

 Kontestanan di e Kwes

1. Un lugá di entiero pa su famia

2. Serena i un pida lana

3. “Un bunita mantel for di Sinar” huntu ku algun plata i oro

4. “Ún karni”

5. Adivinashon, magia, pronostiká kosnan, bruheria, plega hende, montamentu, konsultá spiritista, etcetera

6. El a tene un bankete grandi, a duna amnistia rònt su teritorio, i tambe el a parti regalo

7. Opheto di odio

8. Kozbi, yu muhé di Zur

9. “Un esposa kapas”

10. “Tende”

11. Absalon, di tres yu di David

12. E no tabata ke pa David mustra su goso dor di ‘bula i baila dilanti di SEÑOR’

13. “E guera di e gran dia di Dios Todopoderoso”

14. Ta e hudiunan ku a bini for di Antiokia i Ikonio a konvensé nan pa hasi esei

15. El a saka su spada i dal e esklabo Malko su orea drechi kita afó

16. Un akto di adorashon na dje

17. Zürdeg (ist)

18. Etan, Heman, Kalkol i Darda