“Mira e Tera Bunita”

“E publikashon maravioso aki ta nèt loke mi tabatin mester.” Esei ta loke un señora a skirbi despues ku el a repasá “Mira e Tera Bunita,” un foyeto ku ta kontené mapa di sitionan bíbliko, i ku a ser publiká resientemente. Tambe e señora a bisa den su karta: “Awor sí e sitionan, e hendenan i situashonnan den Beibel a bira real pa mi.”

E foyeto na koló di 36 página aki ta yuda studiantenan di e Palabra di Dios visualisá relatonan di Beibel. E señora ta sigui skirbi: “E echo ku mi ta mira kon haltu e tèmpel ta keda na kontraste ku e terenonan rònt di dje, ta yuda mi komprondé mihó e tekstonan ku ta papia di Yehova su adorashon ‘elevá.’ Bo por mira bon kla na unda tantu e statnan di refugio komo e otro lugánan den e Skritura Hebreo i Griego tabata situá, i esei ta un gran yudansa. Mi a kuminsá usa e foyeto atraktivo aki ora ku mi ta studia e buki di Beibel di Echonan.”

E señora a finalisá su karta bisando: “Lo mi usa e regalo bunita aki konstantemente segun ku mi ta biaha atraves di e páginanan di e Palabra di Dios.”

Bo por pidi un ehemplar di e foyeto aki ku tin e título “Mira e Tera Bunita,” dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin niun obligashon, mi ta pidi un ehemplar di e foyeto “Mira e Tera Bunita.”

□ Por fabor, tuma kontakto ku mi pa un studio di Beibel grátis na kas.

[Rekonosementu pa Potrèt na página 32]

Pictorial Archive (Near Eastern History) Est.