Bo Sa e Kontesta?

(Por haña e kontestanan dje kwes aki den e tekstonan di Beibel duná, i e lista kompletu di kontesta ta na página 27. Pa mas informashon, konsultá e publikashon na spañó “Perspikasia pa Komprondé e Skritura,” publiká dor di Testigunan di Yehova.)

1. Di kiko e pianan pa e base di e tabernakel tabata trahá? (Eksodo 26:19-32)

2. Kon e liberashon di e nashon di Israel for di sklabitut na Egipto ta ser yamá? (Hebreonan 11:22)

3. Segun e profesia di Hesus, kuantu bes Pedro lo a neng’é? (Mateo 26:75)

4. Despues ku e donnan milagroso di spiritu no tabata eksistí mas, kua ta e tres kualidatnan ku ta karakterisá e kongregashon kristian? (1 Korintionan 13:13)

5. Dikon ta un bobedat pa adorá ídolo? (Salmo 115:4-8)

6. Ki konseho relashoná ku bistimentu Pablo a duna hende muhénan kristian? (1 Timoteo 2:9, 10)

7. Dikon Pablo a konsiderá su mes komo “esun di mas ménos di e apòstelnan”? (1 Korintionan 15:9)

8. Ki arma Samsòn a usa pa mata 1.000 filisteo? (Huesnan 15:15)

9. Kua insekto hende a usa pa siglonan komo kuminda den Medio Oriente? (Levítiko 11:22)

10. Ki deklarashon Juan Boutista a hasi tokante Hesus, dos dia tras di otro? (Juan 1:29, 35, 36)

11. Ken tabata sintá rònt di e trono di Yehova den e revelashon ku Juan a haña? (Revelashon 4:4)

12. Kua simia Hesus a deskribí komo esun “mas chikitu ku tur otro simia ku tin riba tera”? (Marko 4:31)

13. Ken ta e dos hòmbernan ku Pablo a pidi pa “bin serka dje mas lihé posibel,” ora el a yega Atenas durante su di dos biahe komo misionero? (Echonan 17:15)

14. Ken ta Yehova su Atversario prinsipal? (Jòb 1:6)

15. Ken a reprendé Ana eróneamente pasobra el a pensa ku e tabata burachi? (1 Samuel 1:12-16)

16. Ken tabata e hòmber “pèrvèrso” ku a rebeldiá kontra David i a pone ku tur e hòmbernan di Israel a siguié, ku eksepshon di esnan di e kas di Huda? (2 Samuel 20:1, 2)

17. Kiko e israelitanan tabata kome na Egipto ku nan a anhelá di kome en bes di e mana ku nan a haña milagrosamente den desierto? (Numbernan 11:5)

 Kontestanan di e Kwes

1. Plata

2. E Éksodo

3. Tres

4. Fe, speransa i amor

5. Nan ta sin bida, i ta hende a traha nan

6. Nan mester ta bistí apropiá, desente i moderá, “manera ta pas pa muhénan ku ta teme Dios”

7. Pasobra el “a persiguí e iglesia di Dios”

8. “Un kakumbein di buriku”

9. Tirakochi (dalakochi)

10. “Ata e Lamchi di Dios!”

11. Juan a mira 24 ansiano, kendenan ta representá Hesus su siguidónan ungí ku ta sigui su pasonan den nan posishon selestial

12. “Un simia di mòster”

13. Silas ku Timoteo

14. Satanas

15. Sumo Saserdote Elí

16. Seba

17. Piská, kònkòmber, milon, prei, siboyo i konofló