“El A Kambia Mi Hopi”

Esei ta loke un mucha hòmber di 12 aña di Virginia, Merka, a skirbi relashoná ku e buki nobo Siña for di e Gran Maestro. El a bisa ku e buki a siñ’é algun kos ku e no tabata sa i ku nunka el a tende di dje. El a splika:

“Siña for di e Gran Maestro a siña mi pa semper stima Dios, papia di dje ku tur hende i papia kuné den orashon. Tambe e buki a siña mi pidi Dios yuda mi i protehá mi. I mi a siña ku tur hende ku ta stima Dios i ku ta hasi loke Dios ta manda lo bai den Paradeis.

El a kambia mi hopi. Ántes, tur biaha mi tabata gaña, pero ora mi a kuminsá lesa e buki aki, mi a stòp di gaña. E kosnan ku mi a siña den e buki aki a duna mi gana di lesa mas buki asina. P’esei lo mi keda kontentu si mi por lesa i siña mas kos tokante Dios.”

Podisé bo tambe lo sinti meskos ora bo lesa e buki aki di 256 página, un buki ku plachi masha bunita, i páginanan di mesun tamaño ku e revista aki. Kisas bo tambe lo disfrutá di lesa kapítulonan manera “Hesus Ta Siña Nos Hasi Orashon,” “Un Lès Tokante Bondat,” “Kon pa Bira Felis” i “Pakiko Nos No Mester Gaña.” Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi un ehemplar di e buki Siña for di e Gran Maestro.

□ Por fabor, tuma kontakto ku mi pa un studio di Beibel grátis na kas.

[Plachi na página 32]

Siñando un lès tokante gañamentu