“Ta Ki Dia Bo Ta Bai Lesa Tur Esakinan?”

Na yüli 2001 un hòmber na Khabarovsk, den Lehano Oriente di Rusia, a haña un stapel di 34 revista Spièrta! den un biblioteka den stat. El a fia nan, i ora e fecha pa hiba nan bèk a yega na ougùstùs, e no kier a hiba nan bèk. Pues el a ekstendé e fecha te sèptèmber. El a gusta e revistanan asina tantu ku el a bolbe fia nan den novèmber, huntu ku seis edishon nobo.

Promé ku el a haña e revistanan aki, e hòmber semper a evitá publikashonnan religioso. Dikon el a kuminsá lesa Spièrta!? El a skirbi: “Pasobra gran parti di e informashon den e revista aki ta trata ku problemanan sosial ku ta interesante i ku ta afektá tur hende.”

El a sigui bisa: “Hopi bes, e revista tin artíkulonan bon skirbí tokante ‘biahenan’ pa paisnan i statnan moderno, kompañá pa informashon tokante tradishonnan di hende.” Tambe el a gusta e artíkulonan tokante hende ku tabatin éksito den bida, ku a mantené nan norma- i balornan spiritual, i ku a yuda otro hende soportá kontratempu i kalamidat. Kiko tabata su opinion di e revista? “Definitivamente bo por bisa ku Spièrta! ta un kombinashon di Time, Popular Science i National Geographic!”

E hòmber a manda pidi edishonnan bieu di Spièrta! na ruso for di aña 1995 padilanti. Fuera di Spièrta!, el a pidi tambe vários buki i foyeto publiká dor di Testigunan di Yehova. El a skirbi: “Kisas boso ta puntra boso mes: ‘Ta ki dia bo ta bai lesa tur esakinan?’” E mes a kontestá su pregunta bisando ku e tin tempu pa lesa informashon ku ta bale la pena, ya ku e no ta dediká hopi tempu na wak televishon i sùrf riba Internet.

Spièrta! ta perkurá un abundansia di informashon riba akontesimentunan aktual i ta yuda nos komprondé mas a fondo kiko ta e solushon pa e problemanan djawe. Dikon abo no ta pidi Testigunan di Yehova trese e edishonnan di Spièrta! pa bo tur luna?

[Plachi na página 31]

Yunan—Loke Nan Mester for di Nan Mayornan

[Plachi na página 31]

Komprondiendo Trastorno- nan di Estado di Ánimo

[Plachi na página 31]

Bo Konosé Dios na Su Nòmber?

[Plachi na página 31]

E Menasa Nuklear—E Ta Real Ainda?

[Plachi na página 31]

Unda Bo Por Haña Speransa?

[Rekonosementu pa Potrèt na página 31]

Eksploshon nuklear: U.S. Department of Energy photograph