Bo Sa e Kontesta?

(Por haña e kontestanan di e kwes aki den e tekstonan di Beibel tras di e preguntanan, i e lista kompletu di kontesta ta na página 30. Pa mas informashon, konsultá e publikashon na spañó “Perspikasia pa Komprondé e Skritura,” publiká dor di Testigunan di Yehova.)

1. Pa mustra nos e importansia di no “bai bèk” n’e kosnan ku nos a laga atras, riba ken Hesukristu ta urgi nos pa kòrda? (Lukas 17:31, 32)

2. Den Hesus su ilustrashon di e sembradó, pakiko e simia ku a nase den piedra a seka? (Marko 4:5, 6)

3. E echo ku Hesus resusitá lo a sinta na “man drechi” di Yehova ta nifiká kiko? (Echonan 2:34)

4. Ken ta e úniko suhita menshoná den Beibel? (Jòb 8:1)

5. Ki nòmber Dios a duna Jakòb ora e tabatin rònt di 97 aña di edat? (Génesis 32:28)

6. Ounke Saul tabata desobediente na Dios i a persiguí David, pakiko David no a mata Saul ora el a haña un chèns kuné? (1 Samuel 26:7-11)

7. Komo kumplimentu di Yehova su palabra, ki bestia a habraká Jezabel? (2 Reinan 9:36)

8. Kua tabata e promé lugá menshoná den Beibel kaminda e israelitanan a para ora nan tabata bayendo direkshon di Laman Kòrá? (Eksodo 12:37)

9. Segun Santiago, ki forma di adorashon ta “puru i sin mancha den bista di nos Dios”? (Santiago 1:27)

10. Segun loke a ser revelá na Daniel, den ki periodo di tempu e Mesias lo a aparesé pa despues ser kòrtá? (Daniel 9:24-27)

11. Kiko Hesus a bisa lo “wòrdu prediká den henter mundu komo un testimonio na tur nashon” promé ku e fin yega? (Mateo 24:14)

12. Kiko ta “e obranan di karni” ku ta stroba un persona di heredá e Reino di Dios? (Galationan 5:19-21)

13. Kiko ta pone ku Yehova por husga un persona ku eksaktitut? (1 Samuel 16:7)

14. Promé ku Amos a ser skohé komo profeta, ki trabou e tabata hasi? (Amos 7:14)

15. Kiko Hesus tabata ke men ora el a bisa ku su disipelnan mester “odia” nan famia? (Lukas 14:26)

 Kontestanan di e Kwes

1. “Lòt su esposa”

2. Dor ku e no tabatin rais i p’esei e no por a wanta e solo ku tabata kima

3. Ku Hesus lo a haña e posishon di mas importante banda di Yehova mes

4. Bildad, un di e tres kompañeronan di Jòb

5. Israel

6. Ta Yehova a ungi Saul, p’esei David a laga e asuntu den man di Yehova

7. Kachó

8. Sukot

9. “Bishitá huérfano i biuda den nan aflikshon, i konserbá bo mes liber di mancha di mundu”

10. “Setenta siman”

11. “E evangelio [òf, bon nobo] di e reino”

12. “Inmoralidat, impuresa, sensualidat, idolatria, bruheria, hostilidat, bringamentu, yalursheit, rabiamentu, pleitamentu, desakuerdo, doktrina falsu, envidia, buracheria, parandiamentu, i kosnan asin’aki”

13. Yehova “ta wak kurason”

14. E tabata “un wardadó di bestia i un plantadó di palu di figu”

15. Ku nan tin ku stima nan famia ménos ku Hesus